佐敦美食 米芝蓮必比登推介 $26食西關瀨粉 日賣百碗
呢間位於佐敦的小食店，榮獲米芝蓮2023必比登推介！唔好睇佢舖面細細又只做外賣，其實每款食物都十分高質用心製作。主打100%香港製造的自家製小食，必試人氣之選包括西關古法瀨粉及黑毛豬肉炸粽！味道出色之餘，價錢都超親民，西關古法瀨粉配黑毛豬油渣$26就有一碗，瀨粉口感偏硬身有咬口，湯汁十分濃稠，加埋自家調製的辣菜脯同黑毛豬油渣更惹味，口感都更多層次。黑毛豬肉炸粽都好高人氣，即叫即炸，金黃賣相似薯餅，但不會過份油膩，每一啖都食到黑毛豬肉同糯米交融的滋味。黑毛豬油撈飯都好吸引，$16就買到，糧尾救星！雖然平價但絕不hea，使用泰國絲苗米，豬油則是以本地黑毛豬提煉出來，每一啖都食到香口的豬油味，配飯食一流。極上·生蛋醬油拌飯使用山吹卵，配上生蛋醬油，好味就係咁簡單。
▲西關古法瀨粉($26)
▲瀨粉口感偏硬身有咬口，湯汁十分濃稠，配上自家調製的辣菜脯、黑毛豬油渣及蔥花更惹味
▲黑毛豬肉炸粽($46)：即叫即炸，金黃賣相似薯餅，每一啖都食到黑毛豬肉同糯米交融的滋味。豬油油脂極香，完美融入於糯米之中。
▲除了外賣即食，更有原隻版($120/3隻)，可以回家蒸或炸。
▲黑毛豬油撈飯($16)：呢個價錢，簡直是糧尾之選！雖然平價，但使用泰國絲苗米，豬油則是以本地黑毛豬提煉出來，每一啖都食到香口的豬油味！
▲極上·生蛋醬油拌飯($28)：使用山吹卵，配上生蛋醬油，加一點蔥花，味道口感加乘！
西關老祖
地址：佐敦文苑街18號文苑樓地下18B號舖
營業時間：11:00-20:30（逢星期一休息）
電話：64286490
文字來源：香港人遊香港/圖片來源：@saikwanlojo