呢間位於東涌主打中東黎巴嫩菜的餐廳，用餐環境充滿異國風情，以橄欖綠為主色配上大量植物、藤椅、中東傳統圖案等，猶如隱蔽花園。於2021年更榮獲全球餐飲設計大賽Restaurant & Bar Design Awards獲得入圍資格。餐廳由敘利亞主廚主理，帶來多款正宗冷熱開胃菜、傳統炭爐烤製海鮮及肉串的中東菜。當中烤肉即叫即烤，以雞肉和羊肉為主，肉串充滿炭烤香氣又保留了肉汁嫩滑。另一煙燻慢煮羊肩飯，飯粒吸盡了羊肉油香但不會覺得騷。而鷹嘴豆蓉拼盤更有4款口味配自家製即烤Pita包，中東風味全散發。
▲鷹嘴豆蓉拼盤($180)，一共4款口味包括原味、歐芹醃菜、紅菜頭及松露。鷹嘴豆蓉口感幼滑配自家製Pita包一流。
▲炭烤八爪魚鬚($170)，經過慢煮再烤的八爪魚鬚肉質鬆軟而外層帶點香烤味，配上大蒜、橄欖、曬乾番茄及橄欖油更提升鮮味。
▲蔬菜沙律($138)，即場席前調配混合番茄、歐茜、薄荷、酸辛香料石榴醬烤青瓜。味道帶酸，非常開胃。
▲大蝦松子仁配烤芝麻乳酪自家製Pita扁麵包($158)，蝦肉爽彈配上松子仁增加口感。而Pita包點乳酪有另一番風味。
▲7種蔬菜配煙燻番茄蓉($138)，7款新鮮蔬菜經過香烤後甜度提升再配煙燻番茄蓉，味道帶點濃郁香味。
▲煙燻慢煮羊肩飯($208)，羊肉非常軟腍，完全沒有羊騷味，而飯粒更吸盡了羊肉味道和油香，粒粒皆美味。
▲傳統炭爐燒烤烤肉拼盤($558)，包括雞肉、羊肉、免治羊肉薄餅等，雞肉嫩滑保留肉汁而羊肉保留少少羊騷香味。再配蒜蓉乳酪醬或原味乳酪醬可減低飽滯感。
▲炭烤原條地中海鱸魚($468)，烤鱸魚肉質嫩滑又多汁配上香草、松露蘑菇。另加上檸檬牛油醬，更能帶出鮮味。
▲米布甸配雪糕($128)，選用口感豐富日本米、雲尼拿等製成，入口香滑有口感。
▲The Great Gatsby($125/右)，以威士忌、肉桂、Chai茶香料、柑，再加入橡木煙燻混合一起，令威士忌每啖都充滿煙薰香氣。The Florist($120/左)，以石榴、London Dry Gin、荳蔻、荔枝、玫瑰及柑橘調配，味道香甜。
▲Casa Blanca($115/左)，以龍舌蘭酒做基底，酒杯邊圍上幼鹽，容易入口。Beirut Express($88/右)，以百香果、芒果、荔枝、椰奶及杏仁奶調配，入口充滿椰香。
Maison Du Mezze
地址：東涌怡東路9號香港東涌世茂喜來登酒店地下G10號舖
電話：23300131
文字/圖片：香港人遊香港