呢間位於旺角的越南菜餐廳，人氣高食物品質好，價錢又親民貼地，所以成日都要排隊，就知有幾好食啦！餐廳主打越南菜，酸湯檬粉是人氣之選，味道精新帶酸，又保持到濃郁度同椰汁香，好有開胃感覺。麵類除了店家配搭好的選項，客人可以自選配搭選擇配料及湯底，咁就可以食到更多口味！手撕雞檬紙卷的紙卷煙靭好咬，手撕雞十分滑溜，更有爽口蔬菜同檬粉碎增加口感。無骨鳳爪沙律同樣開胃吸引，有咬口外，亦帶微微甜味，配上酸辣的醬汁用來作前菜簡直一流。軟殼蟹配黃薑飯都十分出色，炸得香脆又不油膩，蟹肉入味之餘又多膏，食到啖啖蟹肉同蟹膏融合。想找一間好味CP值高的良心小店支持，就不要錯過如此高質的越南餐廳啦！
▲招牌手撕雞拼扎肉椰汁酸湯湯檬粉($83)：酸湯檬粉味道精新帶酸，又保持到濃郁度同椰汁香，手撕雞分量多，扎肉都爽口兼扎實。
▲生牛肉拼滑雞拼扎肉拼牛丸牛骨湯河粉($91)：牛骨湯十分濃郁，雞肉帶微微咖喱味，生牛肉都十分新鮮重牛香。
▲手撕雞檬紙卷及無骨鳳爪沙律（跟餐小食）：手撕雞檬紙卷的紙卷煙靭好咬，手撕雞十分滑溜，更有爽口蔬菜同檬粉碎增加口感。無骨鳳爪沙律同樣開胃吸引，有咬口外，亦帶微微甜味。
▲原隻軟殻蟹配黃薑飯($115)：軟殼蟹配黃薑飯都十分出色，炸得香脆又不油膩，蟹肉入味之餘又多膏，食到啖啖蟹肉同蟹膏融合。
越男仔
地址：旺角廣華街2-20號翠園大樓二期地下5號舖
營業時間：11:30-23:00
訂座電話：24889191/54249435 (Whatsapp)
文字來源：香港人遊香港/圖片來源：@agnesbtsui、@soso.eatingismylife