鮑魚同海蝦上碟時仲識郁！重口味雞煲食得多，鵝煲都係第一次食！小編有大發現，呢個火鍋放題真心抵，本身套餐已經包括前菜-芝麻手撕雞粉皮、秘制麻辣木耳、火煲湯底、本地手切牛頸脊、粟子豚肉餃、黑松露芝士粟米餃、田園有機蔬菜、蝦膠釀鮮冬菇、鴛鴦魚蝦滑、鬼馬油條、手工即炸響鈴卷拼手工即炸魚皮，唔夠食仲可以無限追加！店員將火焰鵝煲奉上，淋上酒後點火，呢個過程相當吸睛，等鵝煲沸騰後，一試醉鵝肉入口質感勁淋，完全食唔出係鵝肉，不過味道都算唔錯！重頭戲一定要食龍蝦海鮮拼盤，有新鮮龍蝦、鮑魚、海蝦、生蠔同龍躉，鮑魚同海蝦上碟時仲識郁架！
▲店員將火焰鵝煲奉上，淋上酒後再點火，其實小編真係唔知個用意係邊，似係睇點火表演多D
▲鵝肉其實份量唔算多，好快就食完
▲好戲在後頭，小編敢講呢個龍蝦海鮮拼盤已經值回票價，鮑魚同海蝦上碟時仲郁緊，真係好新鮮！
▲青花龍蝦雖然細細隻，但係口感新鮮紥實
▲食落都算爽口彈牙，新鮮肉質
▲呢間店好多火鍋材料都係親手製作， 好似粟子豚肉餃同黑松露芝士粟米餃，粟子豚肉餃係用雞蛋皮包既，而黑松露芝士粟米餃黑松露味好濃烈，芝士唔算好溜幾好食；兩款魚蝦滑比小編誤會左係手打丸， 口感鮮甜好食，仲冑鬼馬油條同蝦膠釀鮮冬菇都係特別準備！
▲另一款店主推介即炸響鈴卷同炸魚皮，都係店舖自己準備，明顯同平時火鍋店入貨返黎既既唔同，脆卜卜既炸魚皮仲可以即食！
▲連蔬菜都用上有機菜，唔怪得食落特別清甜
龍蝦燒
地址： 佐敦文英街6號
電話： 2374 9888
時間： 17:00–02:00
文字來源：香港人.遊香港／圖片來源：香港人遊香港