這間位於元朗的人氣清湯牛腩店，去年10月搬到新舖重新開業，最特別是所有部位劃一收費，客人下單時可按自己喜好要求點牛坑腩或崩沙腩。每碗清湯牛腩有大約七至八塊牛腩，份量十足，牛筋位有帶點膠質口感，而牛坑腩則十分爽口，不過有食客形容坑腩水準時高時低，好不好食需要「撞手神」。而這裡的湯底亦一如以往也令很多人回味，以10斤牛骨熬煮，有很重牛油香氣，肉味香濃馥郁，令人食完碗粉也忍不住飲埋啖湯！另一招牌是手打牛筋丸，百分百鮮肉製成，不加澱粉，咬下去有彈牙有肉汁！近期由於牛隻供貨的問題，小店近期不時暫停堂食，貨量亦不太穩定，幫襯前最好先查詢。
▲馳名清湯牛腩($56)，牛腩炆得出色，如果食肥腩，油脂超級豐富，邪惡得來令人食到停唔到口！
▲小店曾經搬遷，店名亦由「牛氣沖天」改成「牛氣擎天」。
▲有熟客形容這間店「應該是元朗最好食的牛腩！」
▲手打牛筋丸($42)是另一招牌，百分百鮮肉製成，不加澱粉，咬下去彈牙有肉汁。
▲近期由於牛隻供貨的問題，小店近期不時暫停堂食，幫襯前最好先Whatsapp或上小店的社交網站查詢。
牛氣擎天
地址：元朗水車館街44號信發大廈地下11號舖
電話：6488 1620 (Whatsapp)
營業時間：星期一至日13:00-18:00
文字：香港人遊香港 /圖片：@ieathk、@iamhohomi