這家位於新蒲崗的麵包店，看似街坊餅店，實則由多位酒店星級造餅師傅主理，包點全部自家生產，選用日本麵粉，每日均有多款價錢相宜的麵包及西餅新鮮出爐，其中必食之選首推在網上爆紅的Berliner爆餡冬甩包！其中一位老闆曾赴德國麵包廠學藝，做歐式麵包手藝正宗，有餡冬甩(Berliner)是德國地道常見的街頭小食，而小店的德式爆餡冬甩炸包，即叫即炸，表面蘸滿砂糖，再加入滿滿餡料，冰火交融！小店餡料更多達十幾款，包括吉士、肉桂蘋果、特濃咖啡、黑朱古力、抹茶、貓山王榴蓮、士多啤梨果醬及焦糖等多款口味，最近還加入柯華田、奶醬及檸檬蛋黃醬等新口味，還可以加$7加粒粒麻薯！還有一款軟心朱古力包，表面是菠蘿皮，裡面的朱古力忌廉軟滑到似半溶融雪糕，回家雪凍就變成冰心，一流！
▲(上)阿華田冬甩($20)，小店的其中一款新口味，食到阿華田雪糕般的味道。
▲肉桂蘋果冬甩 ($20)，十分鬆軟，比美式冬甩更煙韌有咬口，內餡似食蘋果批，蘋果粒粒勁多，口感層次豐富，酸酸甜甜不會太膩，甜度適中。
▲軟心朱古力包($11)，表面是菠蘿皮，裡面的朱古力忌廉軟滑到似半溶融雪糕，勁正！
▲買完軟心朱古力包後，店員才會即加忌廉，回家雪凍就變成冰心，一流！
▲小店雖然開早上6:30，但如果你想食爆餡冬甩，就12點先開始有得賣，加上由於是即叫即炸，所以要等大約10-15分鐘，視乎那天等的人多不多。冬甩$20一個，$110/6個，滿3個就有精美盒仔裝住。
理想餅店 Lily’s Bakery
地址：新蒲崗康強街32-34號康強洋樓A座地下7號鋪
電話：2772 1328
營業時間：06:30 – 20:30
文字：香港人遊香港 /圖片：@holidaymood.now