每次大時大節好多人都會選擇買蛋糕慶祝，但買來買去都係大集團口味或樓下餅店的蛋糕，越食越無癮。而近年好多甜品網店在Instagram紛紛興起，下次想轉新口味，又或者安在家中食個tea，就可以試下呢間叫「花憩」的手作蛋糕網店！店家主打各款千層蛋糕，選料方面絕不馬乎，店家強調搜羅優質天然食材，採用日本一級麵粉和法國鮮奶油，製造堅持無添加手工製作。不少網民試過都話千層蛋糕糕身厚薄均勻，不會太甜太膩。店內提供多款口味，如開心果朱古力粒粒、玫瑰花味、岩鹽烏龍芝士奶蓋等等，款式多元之餘，口味特別。而且價錢親民，CP值超高，大受網民歡迎！
▲開心果朱古力粒粒千層：糕面鋪滿開心果粒脆脆，而糕身內層層都夾住香濃的朱古力粒，超有口感。
▲玫瑰花千層：蛋糕不會太甜，而且散發陣陣芳香，亦推薦大家加麻糬($30)令蛋糕層次昇華。
▲岩鹽烏龍芝士奶蓋千層：糕面鋪滿了燒過的芝士奶蓋，配搭烏龍味的糕身，清新不帶膩。
▲班蘭椰子千層：淡淡椰子味的清香，尾帶班蘭的苦澀味，味道合拍而分明。
花憩
Instagram：@bloom_crepecake
文字：香港人遊香港/ 圖片：@linggholic_, @hungrykays, @foodietiffhk, @bellywongs