重口味必食之選！😈識掃街一定跟住米芝蓮小食掃，對薯仔控嚟講點都要試🤕下叄薯嘅焗薯，見尖沙咀厚福街新店開張，小編要試試。眾多款式中店主推介重量級芝士焗薯，就一於試吓。半溶嘅芝士加sour cream同焗薯係絕配，食落百感交集，滋味之餘又好重罪惡感。不過一不做二不休，試埋個香脆芝士薯角。滿滿嘅芝士醬加上新鮮炸起嘅薯角係會令人唔記得自己減緊肥嘅，最大過塊薯角成隻筷子咁長，真係唔係咁多地方可以食到！食咗咁多熱氣嘢意住叫返枝檸檬薏米水中和吓，小編幾欣賞佢地會主動幫客人坐暖枝薏米水，好有寒冬送暖嘅感覺。其實店裡面仲有好多賣相好吸引嘅小食，呢間叁薯係唔止薯仔咁簡單！
▲重量級芝士焗薯套餐($46)，有焗薯、七彩爆谷雞及飲料。重量級芝士焗薯半溶嘅芝士加sour cream同焗薯係絕配，食落百感交集，滋味之餘又好重罪惡感。
▲香脆芝士薯角($30)
▲雞蛋沙律焗薯($33)
▲醬燒茄子($23)
▲凱撒惹味雞($28)
▲七彩爆谷雞
叁薯
地址：尖沙咀厚福街7A號地下E號舖 (尖沙咀港鐵站B2出口步行3分鐘)
營業時間: 星期一至日12:00 – 22:00
文字／圖片來源：香港人.遊香港