呢間位於尖沙咀的港式漢堡包小店環境光猛又闊落，設有自助醬汁區提供茄汁和沙律醬還有洗手機非常細心。漢堡選擇數量不少包括有牛、豬、雞、蝦、羊、素都搵到，仲要即叫即整。當中黑松露芝士牛堡的黑松露醬絕不孤寒，每一口都會感受到而且又不會蓋過牛肉味。還有牛肉採用慢煮的關係保留到豐富的肉汁。小食方面除了基本的炸薯條、炸薯格更會提供有本地特式的炸燒賣。飲品更有漢堡絕配的啤酒，非常貼心。
▲黑松露芝士牛堡($52)，黑松露醬份量不少，既有松露香味又有牛肉香，而且保持到牛肉肉汁。
▲香辣煙肉蘑菇芝士牛堡($52)，醬汁微辣會越食越惹味，麵包煎香又夠脆。
▲炸薯條(+$16升級套餐配飲品)，粗薯條炸到乾身脆口，薯肉豐富。
▲炸燒賣(+$16升級套餐配飲品)，炸至外脆內軟，口感煙韌。
▲炸芝士(+$10/2件追加小食)，芝士煙韌而且味道不會太濃。
嘉寶漢堡
地址：尖沙咀寶勒巷9-11號和益中心地下
電話：95214405
文字：香遊人遊香港