呢間位於觀塘的峇里風café，光看門面會真的以為自己到了東南亞渡假。室外空間有藤編枱凳，日光灑下時超有feel，裝修極有心思。餐廳提供的菜式較fusion西式，有意粉、意大利飯、全日早餐、燒春雞等主食，更有打卡超吸引的梳乎厘。王牌be leaf全日早餐絕對會是你見過最豐富的全日早餐，除了有黑松露炒蛋、煙三文魚、腸仔等材料，竟然有三大隻爆蒜焗生蠔！慢煮16小時烤鴨髀配紅咖喱泡沫都好特別，烤鴨髀外脆內軟，紅咖喱偏甜，飯團更有微微煎香過。焦糖梳乎厘班戟都十分邪惡，軟熟得來蛋香及焦糖味重，表面有焦糖脆脆，口感更有層次！想去一轉偽旅行渡下假？就絕對不能錯過呢間café！
▲王牌be leaf全日早餐($188)：王牌be leaf全日早餐絕對會是你見過最豐富的全日早餐，除了有黑松露炒蛋、煙三文魚、腸仔等材料，竟然有三大隻爆蒜焗生蠔！口味較重，十分豐富。
▲慢煮16小時烤鴨髀配紅咖喱泡沫($158)：慢煮16小時烤鴨髀配紅咖喱泡沫都好特別，烤鴨髀外脆內軟，紅咖喱偏甜，飯團更有微微煎香過。
▲法式焦糖卡士達梳乎厘班戟($128)
▲焦糖梳乎厘班戟都十分邪惡，軟熟得來蛋香及焦糖味重，表面有焦糖脆脆，口感更有層次！
▲環境裝修有心思，打卡位超靚。
Be Leaf
地址：觀塘敬業街55號皇廷廣場地下2號舖
營業時間：08:00-22:00（平日）、11:30-22:00（星期六、日及公眾假期）
訂座電話：21522893
文字來源：香港人遊香港/圖片來源：@majorinfood、@jcpigpigzhu、@aimei.hk