近年素食於港越來越普遍，種類繁多，就算本來不是素食人士，都可以耐唔耐試下。而位於尖沙咀的雅。悠蔬食大受歡迎，不論素食還是非素食者都一試愛上！餐廳裝潢以白色、紫色作主調，充滿少女味，而且環境寬敞、座位舒適，是一個闊落的素食店。店內的菜式種類常多，不但有飯麵類、Pizza等等，而且更有一系列的Fushion素食。其中最破格的為，「香芒牛油果苜蓿芽手卷」，破格地以「苜蓿芽」取替手卷以飯作底的一貫作風，而且食落口好Fresh，配以牛油果亦能達到飯帶來的飽和感！真係好特別，所以不少初臨雅。悠蔬食的人，都一試愛上！
▲青咖哩野菜猴頭菇配印度煎餅及飯($248)：青咖哩微辣，帶有香濃椰奶味，配上煎得金黃香脆的印度煎餅，超好味！
▲大啡菇松露Pizza($168)：極健康又可以滿足食慾的Pizza！餡料極為豐富，而且餅底好鬆脆。
▲香芒牛油果苜蓿芽手卷($138)： 手卷破格以苜蓿取代以飯作底的做法！食落更加新鮮，而且配以牛油果，又可以達到飽感。
▲番茄芝士焗吉列猴頭菇飯($98)：芝士和蕃茄味香濃，而猴頭菇真係炸得非常脆口，飯的濕度得宜，不會因為焗過而過乾。
雅。悠蔬食
營業時間：11:30-16:30及18:00-22:30
地址：尖沙咀金馬倫道48號中國保險大廈3樓B號舖（港鐵尖沙咀 B2 /尖東站 P2 出口, 步行約4分鐘）
文字來源：香港人遊香港/ 圖片來源：@hoisumeat, @hkfoodproject