係咪真係素食黎？
[駐場博客 : 盡素心中晴 Road to Veganism] 前排同素友們素聚，選了好多朋友都試過話好食嘅六和素食。「六和」，聽個名以為係傳統中式素菜，其實主理嘅兩位大廚拍檔分別在中式素食及日本菜有多年經驗，走在一起擦出新派素食火花！
原以為餐牌多仿中、日式素菜，材料一定會用上素晴「da咩」嘅精製素肉，但原來大廚們對食材好講究，盡量避免用素肉而係用各式天然食材取代，例如像真度極高的素海鮮刺身是用有助腸道健康的海草類膠質製成、咕嚕玉則用上猴頭菇，而素晴覺得最爆最驚喜嘅「招牌梅菜扣玉」則是用冬瓜製，師父運用刀工discription將醬油滲透入冬瓜肉內，入口即溶的那份感覺真係「大滿足」！！！
▲梅菜扣玉 ($112)原來系用冬瓜製，冬瓜入色入味超出色！
▲刺身拼盤，夠清新，口感一流。
▲菠蘿咕嚕肉（$85）甜酸汁高水準，咕嚕肉外脆內軟，正！
▲桂花燉雪梨：超滋潤，軟硬適中，甜入心。
六和素食
地址：銅鑼灣堅拿道西10號冠景樓1樓A舖 （港鐵銅鑼灣站 A 出口, 步行約5分鐘）
電話：2759 1368
文字來源：香港人.遊香港／圖片來源：盡素心中晴 Road to Veganism