澳門老字號「梁慶記」已經營過百年，一直都堅持平民價美食，亦獲米芝蓮推薦。而家唔使過澳門，喺香港都可以食到啦！梁慶記登陸香港北角，繼續用心製作店號的拿手美食——手打足昇麵。他們採用澳門傳統做法，堅持人手打製，全用鴨蛋，所以從麵身中食得到機器不能代替的勁道，而且更沒有半點鹼水味！絕對值得一試！除了手打足昇麵，店家近日推出的正宗豬扒包亦是大熱門之一！麵包好鬆軟，充滿牛油和洋蔥的香味，而且肉身軟腍又Juicy，真係一試難忘！
▲牛筋雲吞麵($46)：麵底為店家首屈一指的手打竹昇麵，麵條煙韌彈牙，一啲鹼水味都冇！
▲單層豬扒包($38)：澳門馳名豬扒包，喺梁慶記都食得到！由獨家秘製醬汁及軟腍豬扒混合而成，真係好juicy好滿足！
▲安格斯牛配牛肉蝦子撈麵($59)：店家選用粗身麵作撈麵底，好帶咬勁，而且麵面佈滿蝦子，真係物超所值！
▲五香汁厚切脆豬扒飯配湯($52)：五香汁比平時吃到的更香更辣，配上軟腍豬扒，係一個保守之選。
梁慶記
地址：北角電氣道233號城市花園3座地下4號舖（港鐵炮台山站 B 出口，步行約5分鐘）
營業時間：11:00-22:30
文字來源：香港人遊香港/ 圖片來源：@karenkyt, @missfoodies