呢間位於大角咀的人氣良心星馬菜小店，餐點份量大之餘又平又好味，是平靚正之選。餐廳的人氣菜喇沙摻摻，湯底超濃郁，椰奶味極香，帶微微辣味十分開胃，配料又豐富，海鮮大燴喇沙有大大隻帆立貝、青口及鮮蝦。厚切豬扒飯亦是招牌菜，有8安士的大大塊豬扒，外皮炸得香脆不乾，肉質鮮嫩，咖哩汁有星加坡或印度咖哩可選，撈飯一流。餐點大大份，食落超飽肚，晚市套餐包湯或飲品，最貴都不超過$80，性價比高。餐廳人氣十足，經常滿座，想試的朋友記得早少少去啦！
▲海鮮大燴喇沙摻摻配帆立貝、青口、鮮蝦($72)：湯底超濃郁，椰奶味極香，帶微微辣味十分開胃，摻摻麵條十分掛湯，配料又豐富，有大大隻帆立貝、青口及鮮蝦。
▲招牌厚切8安士咖哩豬扒飯($62)：外皮炸得香脆不乾，肉質鮮嫩，豬扒大大舊超厚身。咖哩汁有星加坡或印度咖哩可選，撈飯一流。
▲星加坡咖央多士($25) ：新鮮即烘的多士脆卜卜熱辣辣，中間夾住咖央醬及牛油，甜甜口味加牛油口感，十分吸引又邪惡。
▲鴛鴦雞椰漿飯($64)：有南乳脆炸雞及新加坡咖喱雞，一次試到兩種口味。椰漿飯粒粒分明，椰漿味香，配上半熟煎蛋和香脆花生，口感一流。
星洲總廚
地址：大角咀大全街57號地下
營業時間：12:00-22:00
訂座電話：35903326
文字來源：香港人遊香港/圖片來源：@pigfoodiexhk 、@cava_foodie