人氣！
南朗山道熟食市場鄰近黃竹坑地鐵站，位置方便，入邊就好似第二個小泰國咁，老闆係泰國人，咖喱炒蟹、青咖喱牛腩、肉碎生菜包都非常滋味，而且份量十足，午市就最多附近OL幫襯，海南雞飯絕對係熱賣之算！全部雞都已經去骨，啖啖肉，飯就用雞油煮過，香口非常！
▲海南雞飯（$45）去咗骨，皮同脂肪適中；再點埋佢地嘅泰式海南雞醬汁，味道夾，好食到令人停唔到口。
▲青咖喱雞翼飯（$45）
▲泰式生蝦刺身（$98）餐牌上係無呢個菜式，不過只要問侍應有無貨就可以落單！生蝦嘅尺寸正常，一碟七隻，味道正常。
青咖喱屋
地址：黃竹坑南朗山道1號南朗山道熟食市場1樓5號鋪
電話：62732861
時間：11:30 – 15:00(星期一至六)，18:00 – 22:00(星期日及公眾假期)，星期四休息
文字來源：香港人.遊香港／圖片來源：互聯網