馬鞍山曾經被稱為美食沙漠，但近年新式餐廳愈開愈多，而這間Cafe就是其一。Cafe裝潢樸實，以典型文青Cafe設計，沒有亮麗招牌，其實是由坪洲搬到馬鞍山。小店主打麵包、鬆餅、手工意粉等，最受歡迎的固然是鬆餅及麵包，皆因每款都是每日新鮮烘焙，而且是自家製作品。鬆餅製作特別，小店將麵糰及無花果同時發酵，令整體香味更重，入口寧舍鬆軟可口。店內還有一款沖繩黑糖可可包，以沖繩黑糖配上士多啤梨果醬、朱古力慕絲及朱古力豆，足足有70%朱古力含量，但麵包仍然輕盈，可以滿足口腹之慾。
▲Hana Fig Scone是店內的招牌得意之作，以麵糰及無花果炮製鬆餅，質感偏向濕潤，帶微甜味，風味特別。
▲鬆餅內含無花果乾，配上同樣自家製的金桔果醬，酸甜清爽，大受歡迎。
▲沖繩黑糖可可包有70%可可，輕盈又滿足。
▲海帶沙葛青蘋果黄菊味噌螢光魷配搭沙葛充滿新鮮感，口感清爽，整體味道似足清甜雪梨。
▲自製煙三文魚牛油果三文治以酸種麵包炮製，比一般麵包香口，加上薄荷Yogurt、新鮮的牛油果、三文魚及蕃茄，啖啖小清新。
▲於Espresso上加入70%朱古力，令Mocha有濃郁朱古力味。
花華
地址：馬鞍山鞍祿街18號MOSTown新港城中心二期地下29-30號舖
營業時間﹕星期一全日休息、星期二至日11:00 – 18:00
電話預訂﹕56867806
文字來源：香港人遊香港/圖片來源：@hana_coffeebread