呢間位於旺角樓上餐廳比較隱蔽，但一進入店舖眼前就有160 盞粉紅月球波波燈高高掛，非常夢幻又浪漫。餐廳有室內和室外，室內舒適，室外夠Chill。食物方面更有法籍主廚主理，必試包括招牌手做 J.moon pizza、紅酒汁配牛肉粒意大利燉飯、蟹肉帶子龍蝦汁意粉等。仲有以八大行星命名和創作的雞尾酒，每杯都以星球特點做靈感，好似天王星雞尾酒以其獨特的藍色做靈感，整杯藍色夠創眼。每張枱更放有月球燈飾，夠晒切合主題又浪漫，非常適合打卡。
▲室內共有160盞粉紅月球波波燈高高掛，夠晒浪漫夢幻。
▲每張枱更放有月球燈飾，夠晒切合主題又浪漫，非常適合打卡。
▲Scallops, Crabmeat and Zucchini Spaghetti with Lobster Bisque($148)，帶子兩面煎香夠嫩又彈牙而蟹肉更鋪滿意粉上，真係啖啖都食到蟹肉，再加上意粉沾滿龍蝦汁非常鮮味。
▲J.Moon Pizza($118)，即叫即整焗至餅底香脆，中間有半熟蛋、番茄醬混BBQ醬加菠蘿酸酸甜甜好開胃。
▲Marinated Eggplant, Mushroom and Bell pepper($62)，烤茄子、蘑菇及燈籠椒，夠健康做餐前小食最好不過。
▲Diced Beef Risotto with Red Wine Sauce($118)，以紅酒和牛肉煮的意大飯粒粒都吸收了紅酒和牛肉的精華味道，非常濃郁。而且牛肉煮後都仲軟腍。
▲Uranus(左)($128)，以天王星獨特的藍色做靈感，用上Gin酒、Blue Curacao 藍色利口酒等調成，亮眼奪目，甜酸得宜。Mercury(右)($128)，水星雞尾酒以冧酒及熱情果為主調，酸酸甜甜好適合夏天解暑。
▲Rose(左)($75)，混有Gin酒的有汽酒配埋玫瑰花瓣夠浪漫。Floral Martini(右)，以伏特加、接木花和蘋果汁調配入口清新。
J.Moon
地址：旺角西洋菜南街 1A 百寶利商業中心 4 樓 410 室
電話：9545 5738
營業時間：星期二至日 2:00pm – 10:00pm
文字：香港人遊香港