黃糖砵仔糕同白色砵仔糕就食得多，綠色既你食過未？呢間小店一直熱衷傳統糕點製作，為街坊製作上乘高質既傳統糕點，好似有班蘭椰汁糕、馬蹄糕、芝麻糕、紅豆糕等，一到農曆新年就做唔停！佢將班蘭放埋入砵仔糕，睇落以為落左色素，原來係斑蘭綠色天然色素黎！青BB既斑蘭味砵仔糕咬落斑蘭唔算突出，淡淡清香加上少少咬口紅豆。除左砵仔糕之外，大家都唔可以錯過紅豆茶果，採用傳統手法製作，軟棉棉糯米皮包裹香甜既紅豆，芳香香甜。
▲班蘭椰汁砵仔糕($6) 班蘭椰汁香氣十足，食落淡淡班蘭香，成個糕爽口彈牙！
▲班蘭椰汁砵仔糕($6) 甜度適中，柔韌微甜質感有嚼口。
▲店主自家配方加上傳統手法製作，盆盆砵仔糕都新鮮出爐
▲紅豆茶果 ($5/1件；$10/2件)，茶果香糯煙韌，帶有微微茶葉芳香，中間紅豆香甜綿密。
▲班蘭椰汁糕係店主自家硏發，口感爽口彈牙，有濃厚椰子、班蘭香味。
豪江糕品專門店
地址：北角琴行街22號地下C舖
電話：6193 3808
營業時間：09:30 – 20:00
文字來源：香港人.遊香港 / 圖片來源：＠gfoodglife、@yu.eat