食素餃好去處！
[駐場博客:盡素心中晴] 又比素晴搵到間素食友善度好高嘅小店！呢間位於旺角勝利道嘅餃子店，之前《街坊廚神》都有介紹過，但原來老闆為食素人士提供好多素食選擇，餐牌入面素食選擇佔兩成！除左素餃子，素雲吞，仲有各式素粉麵同小食。而且大部份食物係即叫叫做，上碟熱辣辣！湯餃／粉麵嘅湯底主要用紅蘿白、粟米及少許冬菇錠熬成，素晴覺得好清甜。值得推介！
▲煎素餃內餡有粟米、紅蘿蔔、青菜等，煎得香口好味！
▲麵食亦有幾款素麵選擇，如菌菇湯麵、雪菜豆干麵等。
▲上：香煎腐皮素卷左下：拍青瓜右下：椒鹽豆腐
華園餃子館
地址：何文田勝利道14號舖
電話：2713 8228
文字／圖片來源：盡素心中晴