呢間位於將軍澳海濱長廊旁的西班牙餐廳，室內空間充足和以經典藍白色花紋圖案瓷磚裝飾牆壁令其西班牙感覺十足，而且仲有戶外空間好chill好舒適。西班牙菜當中最熟悉一定係西班牙海鮮飯，用上大圓形平鐵鑊西班牙風味十足，飯上鋪滿不少海鮮包括有青口、蝦蜆、魷魚圈等非常豐富，飯粒充滿海鮮味。別外西班牙蛋餅蛋香味濃配上辣肉腸和洋蔥夠香口，蛋餅仲要夠厚實係飽肚之選。
▲西班牙海鮮飯($258)，用上大圓形平鐵鑊西班牙風味十足，海鮮豐富包括有青口、蝦蜆、魷魚圈等，飯粒軟硬適中粒粒都吸收晒海鮮味。
▲西班牙蛋餅配辣肉腸和洋蔥($128)，蛋餅中間的薯仔一片片厚度適中，蛋香味濃配上辣肉腸和洋蔥夠香口。
▲白酒煮蜆($118)，用膠袋袋住蜆一同煮可鎖緊每隻蜆肉精華在湯汁中，蜆肉粒粒鮮甜配麵包一流。
▲店內以經典藍白色花紋圖案瓷磚裝飾牆壁令其西班牙感覺十足。
Pastis Tapas
地址：將軍澳澳南海岸唐俊街23號MONTEREY place地下G05號舖
電話：6277-2293
營業時間：10:00-23:00
文字：香港人遊香港 / 圖片：香港人遊香港 、pastistapashk