明白大家想參加除夕倒數開Party，可惜疫情持續惡化再加上政府延長限聚令日子至2021年1月6日。除夕元旦無得同班friend一齊倒數，不如搞番個Zoom Party喇！梗係唔會要你齋傾偈咁無聊嘅，Zoom都可以玩好多遊戲，例如：誰是臥底、狼人殺、收買佬、估歌仔等等都可以，播埋新年聖誕歌氣氛就無得輸~
▲誰是臥底
唔少party必玩帶動氣氛嘅推理遊戲！人數方面至少要有5個人，總共有三個角色包括平民、臥底、白板，每輪每個玩家只允許講一句說話描述你的身份，第一輪發言結束後可判斷出邊一位玩家是臥底或白板。
▶線上版：https://who-is-spy.web.app/
▲狼人殺
根據不同人數，身份卡牌數量都會唔同。狼人殺身份有狼、村民、預言家、女巫、獵人、守衛再加上一個主持人。遊戲開始時，主持人就會說：「天黑請閉眼，狼人請開眼」，每位玩家輪流與主持人相認。
▶線上版：https://www.werewolfonline.game/tw/
▲收買佬
次次玩呢個遊戲都非常狼狽，Zoom住玩一樣咁過癮，由主持人發號施令，要求玩家於指定時間內以最快速度拎出指定物品放到鏡頭面前就為止贏，大家可自行增加遊戲獎賞規則。
▲估歌仔
聽歌都可以有幾種玩法嘅，例如第一回合播放10秒前奏，第二回合就倒放歌曲，第三回合可以展示部分歌詞，每個回合都可以鬥快搶先答歌名。
文字來源：香港人遊香港/圖片來源：@unsplash