位於旺角新開嘅港式茶餐廳，由前立法會議員譚文豪及飲食界功能組別參選人林瑞華開設，店舖提供多款地道港式美食，有闊佬炒飯、鴛鴦焗豬飯、沙爹牛肉西多士和公司三文治，仲有呢個fusion黑松露炒蛋菠蘿包大家都可以一試，好香嘅黑松露配嫩滑炒蛋，配埋外脆內軟嘅菠蘿包簡直大滿足~賞花杏仁霜都記住要試阿，好香濃嘅杏仁味口感幼滑。
▲招牌黑松露炒蛋菠蘿包，外皮酥脆、麵包鬆軟，入面仲夾住黑松露炒蛋和沙律菜，絕對係誠意之作~
▲沙爹牛肉西多士，表面淋上牛油同煉奶，再配上沙爹牛肉，味道出奇地夾。
▲公司三文治，非常足料，有芝士、火腿、番茄、雞蛋、生菜、午餐肉，麵包內層仲搽埋牛油。
▲最後，飲品方面記得試埋呢個賞花杏仁露（諧音：上番行人路！），鍾意飲杏仁露嘅你就啱曬，陣陣香氣撲鼻嘅杏仁味，飲落口感幼滑。
一日三餐
地址：旺角通菜街2Q-2Z號鴻輝大廈地下7號舖
電話：9311 3202
時間：07:30-22:00
文字來源：香港人遊香港/圖片來源：@threemealshk、@Sammy Poon