沙田區最近新開咗一間人氣過江龍餐廳，呢間就係馬拉鼎鼎大名的「越好Pho Vietz」，喺馬拉長期都排滿人龍，除咗味道正宗之外，仲真材實料架！大家去到一定必試佢嘅招牌生牛肉湯河，秘製湯頭以12小時慢火熬煮，每日只係限量供應250碗牛肉河！食埋生牛肉河更可以試下呢度嘅越式地道家常菜！大家不妨假日過嚟試下啦！
▲招牌生牛肉湯河($58)，絕對係必食之選，湯底用60公斤的牛筒骨、牛腩 慢煮12小時再加入超過12種香料，將牛骨嘅鮮味更上一層樓，每日限量供應250碗，想食就要早啲嚟啦~
▲招牌熟牛腩湯河($65) ，呢碗河粉都係熱賣款式嚟架，牛腩片唔係平時食開果隻，呢啲係生牛腩片，配上熱湯浸熟，口感軟糯、湯底又清甜！
▲招牌四寶湯河/ 湯檬($60) ，有牛腩、牛丸、牛展和牛肉，啱曬各位牛魔王，一次過試曬幾種唔同部位~
▲椰汁滷五花腩飯($58) ，呢個五花腩超正！因為係用100%椰子水加入椰青肉、自家製魚露和冰糖，細火慢炆兩個幾鐘~配埋酸蘿蔔食就減少油膩感，配飯食簡直欲罷不能！
▲香茅雞扒飯 ($56) ，屬於經典越南菜式，肉質鬆軟腍滑，再加入馬拉秘製醬料、香茅碎、玫瑰露等等材料醃至少10個鐘，所以食落去先咁完美！
▲青檸梳打($22 ) ，再配埋呢個越南獨有迷你青檸，香味十足，飲完之後非常解渴和消膩！
越好Pho Vietz
地址：沙田沙田車站圍1號連城廣場1樓109號舖
電話： 2560 6066
營業時間：11:00 – 22:00
文字來源：香港人遊香港