日本大阪環球影城(USJ)將於2021年春天開放全新園區，無錯啦！佢就係「SUPER NINTENDO WORLD」任天堂主題園區喇！消息已經得到官方宣佈同證實咗！各位任天堂嘅粉絲係咪心郁郁想飛番轉？呢度將會帶給你前所未有的嘅遊樂設施體驗，包括遊戲迷最喜歡嘅「孖寶賽車」、「頂磚」和「踩龜」，屆時就可以試下真人版Version喇！更有Yoshi耀西主題遊樂設施。除咗新開主題設施之外，更新開Mario Cafe and Store並於10月16日率先開幕！大家準備好迎接未呢？
▲園區設計，整體設計到好似Mario遊戲世界咁！新增好多遊戲互動設施，遊客可於區內變身做「Mario」，周圍敲牆敲磚，收集金幣！
▲Mario Cafe ＆Store，集和餐廳和零售一體嘅鋪頭，呢間鋪頭於10月16日率先開幕！
▲咖啡廳內裡裝潢，遊戲中熟悉的牆（例如Hatena積木和粘土管）以及Mario世界入面必不可少的蘑菇，佈置成五顏六色嘅造型檯。
▲食物方面，有Mario及Luigi造型的煎餅，分別係士多啤梨味及提子味！
▲飲品方面呢，分別有水果Cream蘇打水和超級蘑菇飲料造型樽。
▲咖啡廳隔離有間紀念品鋪頭，入面將會出售日本環球影城原創設計的商品， 例如Mario＆Luigi的帽子和Peach公主的皇冠。
日本環球影城
地址： 2 Chome-1-33 Sakurajima, Konohana Ward, Osaka, 554-0031日本
文字來源：香港人遊香港/圖片及資料來源：USJ官方Facebook、Nintendo