呢間位於尖沙咀香檳大廈的芝士撈麵店，因大廈早前被發展商強制拍賣，麵店已經正式宣布10月30日光榮結業。不過老闆好快就搵到新地方，今次會進駐旺角，相信好多朋友都好期待。
麵店開業至今都以芝士撈麵聞名，獨創秘制的芝士汁以卡夫芝士、巴馬臣芝士、忌廉芝士等再加五、六款調味料，味道濃而香又不會過鹹更可配不同食材豬扒、雞翼、紅腸等非常百搭。當中豬頸肉芝士麵最馳名，豬頸肉煎到香脆再加彎彎曲曲的麵啖啖掛滿邪惡芝士汁真係芝味濃郁。
▲豬頸肉芝士麵，芝士汁滿滿覆蓋整麵絕不孤寒。
▲條條麵都掛滿芝士汁，啖啖都充滿邪惡感。
▲蜜汁龍鬚，有咬口但不會韌，味道太甜甜地。
▲豬頸肉煎蛋乾撈麵，除了出名芝士麵外都仲有乾撈麵食。
新記芝士麵
地址：旺角砵蘭街185號地下（近朗豪坊）
營業時間：星期一至日 11:00-23:30
文字：香港人遊香港 / 圖片來源：sunkeerestaurant