日本 columbia 日前宣佈，即將推出一款以鬆弛熊為主角嘅全新 Nintendo Switch 遊戲《在家裡鬆弛熊》(おうちでリラックマ)！ 呢款療癒系游戲主要係俾玩家可以同鬆弛熊輕鬆玩樂！内容主要包括各種小游戲，例如猜拳、雪球戰同埋運動游戲！遊戲入面，玩家可以選擇海邊、森林或者現代風家居做屋企，開始同鬆弛熊享受懶洋洋嘅時光！中意輕鬆小游戲同埋鬆弛熊嘅朋友實在唔可以錯過！
▲ 可以選擇海邊、森林或者現代風家居作 「你的家」 。
▲ 就咁見到鬆弛熊佢地可愛嘅樣已經好療癒 ！
▲ 可以同鬆弛熊玩可愛小游戲 。
▲ 預定於2020 年 11 月 5 日正式發售！
文字來源：香港人遊香港 / 資料來源：Nintendo