香港美利酒店推出夏木繁花下午茶，以清新花草植物、香草同香料入饌， 鹹、甜點賣相精緻，色彩繽紛，好襯呢個盛夏！下午茶提供多款鹹、甜美食選擇，包括氈酒醃三文魚、 意大利風乾火腿脆餅、龍蝦沙律、香茅菠蘿杯等！下午茶最唔少得嘅，一定係外脆內軟嘅溫熱鬆餅，除了廣受歡迎的原味外，今次下午茶仲有只限夏季供應嘅薑汁提子乾鬆餅，搭配英國JING TEA香茗一同享用，超夾！
▲ 鹹點方面，氈酒醃三文魚放喺一小片番茄麵包之上，表面綴以一層精細嘅接骨木花啫喱，食落清新又可口！意大利風乾火腿配上香酥誘人嘅脆餅，再加火箭菜忌廉芝士，可以平衡火腿肉香！龍蝦沙律混合咖哩葉、薑黃同芒果，同香軟綿密嘅法國牛油麵包一齊享用！以洛神花醃製嘅西瓜粒洋溢果花果香氣、鮮甜多汁，好開胃！
▲ 甜點方面，濃郁綿滑嘅魔鬼朱古力蛋糕配上經典嘅Grand Marnier橙酒，入面係一層藍莓同黑加侖子啫喱，蛋糕表面仲加上帶香草甘甜味道嘅龍蒿草忌廉！為咗豐富蛋糕嘅口感，芝士蛋糕加入紅莓啫喱，增加新鮮感！香茅菠蘿杯材料有：生薑糖漿、香茅汁醃製嘅菠蘿粒、生薑忌廉，同薑味金寶脆粒，食落好有層次感！
▲ 今次下午茶仲有只限夏季供應嘅薑汁提子乾鬆餅，薑汁配提子乾，夠哂特別！
夏木繁花下午茶
推廣期：即日至2020年9月13日
供應時間︰
時段一：下午三時至四時三十分
時段二：下午四時四十五分至六時三十分
價錢： 兩位港幣678元
地址：香港美利酒店花園樓層Garden Lounge
查詢或預訂︰ 請發送電郵至[email protected]、致電+852 3141 8888或瀏覽niccolohotels.com。
文字來源：香港人遊香港