一場突如其來嘅疫情，令好多人都有唔同嘅體會。 新藝潮將舉行一個名為「+VE/-VE」嘅展覽，展覽集合四十多位香港傑出藝術家六十幾幅，喺COVID-19 疫症肆虐期間創作嘅作品，唔止反映藝術家嘅心路歷程，亦展示香港人共同嘅經歷，例如限聚令、街上無人等。透過展覽，希望大家可以喺藝術中獲得正能量！由於疫情愈來愈嚴重，原定7月31日喺觀塘SML大廈2樓舉行嘅實體展覽，將先改為8月4日起網上推出VR虛擬展覽， 大家可以安坐家中欣賞作品，感受疫情下嘅香港！
▲ 劉以鬯認為「香港人的快樂都是紙紮的，但是大家都願意將紙紮的愛情當作真實」 。其中第三屆新藝潮博覽大獎得主、香港年輕攝影藝術家Kasper Forest嘅系列作品《金童玉女》The Ghost City最受矚目。
▲ 《金童玉女》The Ghost City 以一對紙紮情侶，設背景於香港各大地標，映照出疫情下嘅香港，街上無人，鬼魅出沒。
▲ 相信能令大家有所共鳴！
▲ 原來蚊蟲都有限聚令？！書法藝術家徐沛之就重拾多年前的題材──蚊，創作充滿黑色幽默嘅《陋室之友》系列。
▲ 系列以蚊喻人，形象生動地表現了限聚令同社交距離下嘅人類活動形態。
▲ 不過限聚令再次收緊至2人後，唔知徐沛會唔會有新創作想法呢？
▲ 另外仲有超過60件展出作品，但由於疫情關係，原定7月31日喺觀塘SML大廈2樓舉行的實體展覽，將先改為8月4日起網上推出VR虛擬展覽，作品亦會同步喺新藝潮網站展出。實體展覽將在限聚令放寬後按原定計劃向公眾開放。
【 新藝潮+VE/-VE展覽 】
地點：觀塘海濱道165號SML大廈2樓（展覽方式有所更改，請留意新藝潮網頁最新消息）
日期：7月31日 – 8月31日
Facebook：ArtNextExpo
網站：https://www.artnextexpo.com/
文字來源：香港人遊香港 / 圖片來源 ：Art Next 新藝潮