在家抗疫系列:【榴槤控必食!酒店推榴槤下午茶外賣自取!貓山王榴槤布甸+抹茶荔枝D24榴槤卷!】

疫情關係,出唔到街?係屋企都可以High Tea!

呢間尖沙咀酒店出名以馬來西亞直送嘅榴槤做甜品,最近再推個榴槤下午茶令榴槤控可再次品嚐啖啖榴槤香。今次下午茶甜品包括貓山王整榴槤布甸、抹茶荔枝D24榴卷、榴槤斑蘭糯米糍、金榜榴槤芝士蛋糕、D197榴槤芝士泡芙、Forbidden D24 榴槤蛋卷等。因應疫情關係,酒店設外賣自取服務,大家可以於酒店網上商店預訂飄香榴槤下午茶套餐即可。

▲係屋企都可以High Tea,酒店設外賣自取服務,大家可以於酒店網上商店預訂飄香榴槤下午茶套餐即可。

▲抹茶荔枝D24榴槤卷(右):入口先有淡淡的抹茶和荔枝清香之後榴槤再出榴槤香。金榜榴槤芝士蛋糕(左):芝士和榴槤控制恰到好處沒有搶去對方嘅味道,鹹鹹嘅芝士香中帶出榴槤味道。

▲烏龍茶啫喱

▲榴槤斑蘭千層蛋糕(左):一層斑蘭一層榴槤,配合不錯。貓山王榴槤布甸(右):布甸充滿濃郁榴槤味,而且非常creamy。

▲D197榴槤芝士泡芙:泡芙中充滿榴槤忌廉,一口咬開忌廉馬上爆出。

外賣自取「飄香榴槤下午茶」套餐

價格:港幣438元/兩位用
網上預訂:https://eshop.hotel-icon.com/tc/signature-dessert/

文字:香港人遊香港 / 圖片:HoteliCON

Close Bitnami banner
Bitnami