呢間文青cafe隱於大圍嘅村屋之中，主打手工bagel，Day-brunch menu可自選一款bagel味道，包括原味、芝士味同芝麻味，再加唔同嘅配搭。Bagel除咗夠曬鬆軟，喺烘過之後微脆同有少少煙韌，不愧係cafe嘅招牌，好有驚喜！三款味道亦各有千秋， 最多人選擇嘅係芝士味Bagel，較為濃味，芝士味亦好突出！Bagel控一定唔可以錯過呢間手工bagel小店！
▲ 美式手撕豬肉配貝果麵包 ($88)： Bagel 分開兩邊, 一邊係大量嘅青蘋果絲， 另一邊係手撕豬肉同埋兩片芝士脆脆， Bagel烘過微脆，手撕豬肉幾入味！另外仲配有大量沙律！
▲ 因為青蘋果絲好fresh，就算手撕豬肉份量多，都唔會有油膩感！
▲ 檸檬薑蘋果果茶 ($45)： 平日凡點Brunch或意粉，叫指定果茶有半價優惠！檸檬薑好fresh，飲落唔會太甜！
▲ cafe 環境清新舒服，亦有小物售賣！
▲ menu有多款選擇，以home made bagel 最受歡迎！
Platform
地址： 大圍田心村254號地舖
電話： 3583 2818
文字來源：香港人遊香港 / 圖片來源 ：＠yantung_pudding0123