fbpx

網絡熱話:【WhatsApp終於用到動態貼圖啦! 新增QR Code add人+8人群組視像通話等4個功能】

WhatsApp貼圖喺2018年尾登場,終於喺最近一次更新加入咗動態貼圖!無論你係用iPhone定Android都好,只要你更新WhatsApp至最新版本,就可以Send到同收到識郁嘅Stickers喇!

▲首先打開貼圖介面,再點右上嘅加號。

▲如果貼圖系列旁邊有個「播放」圖示,就代表佢係動態貼圖! Download完就即刻用得!

官方現有6款動態貼圖可以下載 ,可能要等網民發揮小宇宙設計新 動態貼圖先可以有多啲喇!不過動態貼圖傳送後,只會自動播放一次,並唔會自來動循環播放,唔知WhatsApp會唔會改一改呢?

新增功能! QR Code新增聯絡人 :在設定頁面,個人資料框框旁邊多咗一個QR Code圖示,打開就見到屬於自己嘅WhatsApp QR Code,對方只要scan你嘅QR Code就add你!不過要留意,scan完QR Code對方都會見到你嘅電話號碼,所以都係要小心保管個Code啊!

新增功能!8人群組視像通話 :WhatsApp群組視像通話由4人新增至8人,仲可以放大特定一個聯絡人嘅視窗!相信呢個更新都會幫到唔少現時在家工作嘅用家,可以更方便聯絡到其他同事!

新增功能! 網頁版Dark Mode :早前手機版WhatsApp都已經推出咗Dark Mode畀用家選擇,而網頁版喺今次更新都有啦, 網頁版Dark Mode設計同手機版一樣,都係以黑色配搭深綠色,應該唔會睇唔慣!

文字來源:香港人遊香港 / 圖片來源:WhatsApp

Close Bitnami banner
Bitnami