由於本港疫情嚴峻，政府宣佈由今日(15日)下午6時起，所有餐廳都唔可以堂食，要食晚飯嘅市民只可以買外賣。本身SUKIYA堂食人數非常多，平均等候時間可能都要半個鐘，再配合埋限聚令對入座人數嘅規限，令到SUKIYA嘅輪候時間變長。呢段時間想食SUKIYA嘅不妨可以考慮一下買外賣食，就連最新推出嘅鰻魚系列都已經有得外賣啦！ 去之前睇吓個Ｍenu先，慳返唔少時間！
▲牛丼 ($29-45)：SUKIYA最出名就係牛丼，外賣都有4款size選擇，根據自己食量叫，唔怕浪費！
▲ 香蔥溫泉蛋牛丼 ($38-54) ：雖然未必有好多人都鍾意食蔥，但如果你係熱愛蔥嘅人，相信呢個丼一定好啱你！
▲ 三式芝士燒肉丼 ($48-78)：如果覺得牛丼太簡調，不妨可以試吓食呢個三重芝士 丼！
▲牛肉咖喱 ($48-58)： 咖哩都係比較熱門嘅選擇，不過有湯、汁嘅外賣大家就要小心啲拎，倒瀉咗就冇得食啦！
SUKIYA すき家
地址：旺角亞皆老街31號
營業時間：24小時
文字：香港人遊香港