今個暑假，深受全球大小朋友歡迎嘅Thomas & Friends™已經75周年喇！一班小火車為咗探險，今次駛到嚟香港，會喺荷里活廣場同大家見面！到時會有全港最大高達 3.5 米嘅Thomas 火車頭將現身商場，呢架Thomas對眼仲會定時向左右轉動、頭頂亦有噴煙效果，就好似睇緊卡通片入面嘅Thomas咁啊！今個暑假冇得飛？唔緊要就等佢帶住大家環遊世界啦！
今次展覽有三大園區，分別代表住歐洲、南美洲同亞洲， Thomas咁難得嚟到香港又點會捨得啲Fans得個睇字呢？三大園區入面有唔同嘅遊戲設施畀小朋友玩！包括「VR 鐵路之旅」、「森巴足球考驗」及「追風小車手」，一路玩一路感受異國風情！各位小Fans玩完之後，唔好唔記得去「肯亞打卡區」同非洲動物影相留念啊！仲有充滿非洲色彩嘅「Thomas & Friends™ 75 周年玩具展」以及「免費試玩區」， 有得欣賞Thomas & Friends™75 周年別注版模型，同埋自己落手砌小火車玩具！未玩夠嘅Fans仲可以去「期間限定店」購買多款 75 周年精品，買返去留念！
▲第一站： 歐洲索多島
▲ 全港最大高達 3.5 米嘅Thomas 火車頭，頭頂仲有噴煙效果！
▲ 「VR 鐵路之旅」
▲ 第二站： 南美洲巴西
▲ 「森巴足球考驗」：同朋友盡情比賽！
▲ 第三站： 亞洲香港
▲ 「追風小車手」: 騎住車車遊歷世界各地！
▲「免費試玩區」自己落手砌小火車玩具！
▲ 期間限定店
▲ 充滿非洲色彩嘅「Thomas & Friends™ 75 周年玩具展」，欣賞Thomas & Friends™75 周年別注版模型！
「Thomas & Friends™ 75周年小火車遊世界
地點： 荷里活廣場
展覽日期：2020 年 7 月 10 日至 8 月 31 日
時間 : 中午12時至晚上8時
文字/圖片：香港人遊香港