米奇米妮返黎喇！香港迪士尼樂園啱啱宣布左會於今個星期四，即係6月18日重新開放！不過係重開初期，想入迪士尼玩就要係到訪前嘅7日內預早上網站預約，「奇妙處處通」會員就可以早一日(8日內)預約。3 歲以下小童就唔洗預約，並可照舊免費進入樂園。「奇妙處處通」會員可率先於今日開始預約，其他預約安排會於聽日中午12時開始。而由於疫情關係，園內會實施唔少健康措施及人流管制，包括預約時要作出健康聲明，入園時須通過體溫檢測，同埋係餐飲處所之外均須佩戴口罩。園內大部分嘅遊樂設施、商店及餐廳都會重開，不過同迪士尼朋友仔近距離互動或者合照，都將會暫停，粉絲要留意喇！
▲入園前需要預早上官方網站預約
▲園方係大部分地方同設施都會加強清潔消毒
▲排隊區都會實施社交距離措施
▲係餐廳同飲食設施都要保持社交距離
▲園方會額外增設消毒搓手液裝置
香港迪士尼樂園
官方預約網站：按此
文字來源：香港人遊香港 / 圖片來源：香港迪士尼樂園