鐵板燒三文治大行其道，K11呢間三文治品牌全新上市，一入到去已經感受到色彩繽紛，原來餐廳以三原色「像素」（Pixel）為主題無限想像及組合。因此食物出品都迎合返主題，既是色彩繽紛，又係創意無限！係呢度食三文治，你會食到法式普羅旺斯燉肉丸、芝士燴通心粉、日式拉麵、流心蛋，呢d平日你估唔到既食材做三文治餡，保證一定食到你飽！
▲品牌參考左世界各地三文治，打造鐵板燒三文治獨特做法，以黃金比例植物牛油、橄欖油製成油底，在鐵板上輕烤麵包兩面至金黃鬆脆，再加入餡料及秘製醬汁，即叫即做！
▲鐵板燒三文治餡料滿滿，色彩繽紛！用創意加入融入世界各地美食做三文治。
▲拉麵叉燒鐵板三文治（$75）日式叉燒拉麵就食得多，夾係個三文治度真係第一次見！
▲創作概念來先日底炒麵麵包，內餡有自家製日式叉燒片、浸泡48小時味付溏心蛋、味噌拉麵、味付筍絲同牛油粟米粒，真係好似食緊拉麵咁。
▲蝦兵蟹將鐵板三文治（$81）/ 歐陸監獄鐵板三文治（$73）款款都爆餡，打卡之選！
▲歐陸監獄鐵板三文治（$73）如果監獄有咁豐富，可以去到幾盡呢？加入以蔬菜、番茄醬燉煮法式普羅旺斯燉肉丸做主角，仲有秘製番茄汁玫瑰芝士燴通心粉、流心蛋超級豐富！
▲歐陸監獄鐵板三文治（$73）呢個價錢係包括半份三文治、半份沙律、薯條及飲品
▲蝦兵蟹將鐵板三文治（$81）同樣以大量蔬菜、加上蝦餅同蟹餅製作而成。
▲3日3夜自家手切薯條（M：$35 / L：$49）來頭都唔細！顧名思義，製作過程需時3日3夜，外皮薄脆而內裡有薯蓉般綿滑。仲可以捺自家製番茄醬、松露蛋黃醬或黑蒜滋味醬享用，3款醬都係自家製作，一d都唔馬虎。
▲祝君健康鐵板三文治（$68），三文治唔係肉食控既專利，佢都有素食選擇。內餡以以豆腐混合紅蘿蔔、粟米等蔬菜製成吉列豆腐，加上鐵板燒茄子、牛油果鷹嘴豆沙律、菠菜苗及特製俄式蛋黃醬！
▲店鋪明潔亮麗，店面非常整潔！
HAND3AG
地址：尖沙咀河內道18號K11購物藝術館B2樓B226-B227A號
電話：(852) 3907 0188
營業時間：星期一至六－7:45am – 9:30pm；星期日及公眾假期－9am – 9:30pm
文字 / 圖片來源：香港人遊香港