![cover12](https://www.hkppltravel.com/wp-content/uploads/2016/12/Cover12.jpg)
年尾點可以食得差,緊係食盡佢,小編今日推介一間樓上私房菜,味道非常好之餘環境氣氛都唔錯,諗緊生日或紀念日點慶祝,可以考慮下!呢個5 course set dinner道道菜都好有心思,2個人去可以每樣叫一款,試多D唔同食物,同屬生蠔控既你,點可以錯過呢度生蠔,廚師每日嚴選新鮮靚生蠔,隻隻肥美飽滿,食落唔會太腥,而且帶濃郁海水味,一定要試!
▲輕煎日本北海道帶子,柚子乳酪凍配法國魚子,輕煎帶子烘得微暖,味道十分鮮甜,加上柚子乳酪凍和法國魚子,令味道配合得相得益彰
▲法國夏季黑松露配鮮雜菌清湯,好多人都會怕西湯太過creamy太膩,黑松露鮮雜菌鮮味散發一種清幽,呢個真係係個唔錯選擇
▲上主菜前,廚師會準備sorbet比食客,清一清口腔,感覺十分清新
▲香脆鵝肝配焦糖馬沙娜燴菠蘿,鵝肝煎得外嫩,十分香口,配埋馬沙娜菠蘿可以減少油膩感
▲牛肉他他口感好特別!
▲香草紅酒燒汁燴澳洲和牛牛臉頰-,和牛牛臉頰真係食得雕轉,質感腍軟-入口牛香甚濃-色澤深稠且帶微微紅酒濃度
▲香煎波士頓龍蝦配菠菜意大利飯龍蝦,龍蝦肉質新鮮而肉質彈牙結實,菠菜意大利飯亦味道香濃
▲食完主菜後,會奉上玫瑰花茶,緩和主菜濃郁口感
▲橙香法式燉蛋,燉蛋外表似雞蛋布丁,上面加上橙味果醬,非常清新
E Molto Buono
地址:銅鑼灣霎西街28號必發商業大廈2樓
電話:3421 0063
文字/圖片來源:香港人.遊香港