[駐場博客小牛牛快樂行山郊遊相集by Chan Keung]呢排咁好天氣,唔去行山登高真係嘥晒呢！ 每朝上班見倒藍天白雲,已經好期待立即出發。香港工作壓力大,上山頂減減壓最令人身心康泰呢! 今次為大家介紹一條簡單路線~四方山>城門水塘。 响荃灣食完個靚早餐，先去荃灣西巴士總站坐51號巴土，去到大帽山郊野公園站落車，整理好裝備之後，由大帽山茶水亭出發，首先由大帽山道直上，全程馬路旁行走，車輛雖然唔多，但都要小心啊! 途中見倒一嚿大元寳石，再上就見倒大波波(大帽山地標)，呢個係全港最高嘅山峰，每天晚上都有一批批龍友帶埋長短伙上嚟等日出，天氣就嘅話，仲有雲海睇添。經過咗大波波之後就開始落山，沿途都係石屎路，一直落卒之見倒泥石路了，亦都係到達四方山， 進入麥理浩徑8段，呢度山坡好開掦，一大片短草地，周圍満佈巨石，好似進入咗八陣圖感，沿山徑行上落坡幅唔算大，相當好行，途中仲見倒小编最喜愛嘅小牛牛添，牛牛嘅出現的確為郊野帶來活力和生氣，所以大家唔好傷害佢哋，同埋唔好餵治佢哋呀！ 行咗一段較長嘅山徑之後，開始落山，呢一段大部份係大石级，唔太困難，好快就到達沿鑛坳，右轉進入城門水塘，呢段八乘都係石屎路，好平緩，行咗無耐，到達一條小石橋，從橋邊落就係大成石澗入口，小編今次冇打算行石澗，所以只拍照留念，不過倒影真令人着迷呢! 繼續住前行，走到接近水塘邊一段路，再左轉落小徑，就見倒有一大片泥土地，再直行就到達水塘岸邊，呢度係電視台成日離拍外景位置，剛啱遇上光線折射，樹林倒影，色澤分明，景色迷人，唔怪得知電視台成日離取景啦。打過卡後返回石屎路，一直走到達城門水塘菠蘿壩，完成今次旅程。 注意事項:⚠ 路程較長,中途没有補給站,帶備充足飲料⚠ 風高物燥切勿在山上吸煙,容易引起山火,後果嚴重⚠ 愛護郊野清潔人人有責,自己垃圾自己帶走 ▲每逢假日都吸引許多人前來城門水塘郊遊 ▲從小石橋進入大成石澗 ▲四方山巨石滿佈四周遊人都喜愛攀上打卡，不過必需要小心！ ▲四方山觀景開揚 ▲小牛牛是小編至愛 ▲由四方山沿山徑直落-經過麥理浩徑8段再落山就是鉛礦坳 ▲四方山地標點頭石 ▲城門水塘風景美麗是電視台經常取景熱點 ▲大成石澗水質清晰 ▲走了一大段石屎路卒之進入泥石路 ▲大帽山牛牛不要傷害佢哋喔 ▲四方山山徑平緩上落坡幅不大 ▲城門水塘風景優美為郊遊熱點 ▲玉兔石 ▲麥理浩徑8段連接大帽山與四方山 ▲ 大成石澗 ▲四方山滿佈巨石 ▲大帽山大元寳石 ▲大帽山居住不小牛隻 ▲麥理浩徑8段 ▲四方山大部份都是短草地風景開掦 四方山>城門水塘 路線: 大帽山茶水亭>大帽山>四方山>麥理浩徑8段>鉛礦坳>城門水塘 全程16公里 需時約5小時路線圖參考：http://bit.ly/2WyQ0A6...
[駐場博客小牛牛快樂行山郊遊相集by Chan Keung] 山竹過後，有好多 行山 路線大樹倒塌被封閉，政府有關部門都慢慢修復過來，但係有啲行山人仕自行開發嘅路線就有待山友自行清理了。所以有部份山線仍有待”打通”，可是小編偏喜歡捐窿捐罅，今次就小試牛刀，走走獅子山獅尾脊。 首先由沙田坳道法藏寺後面登山入囗起步，呢度有幾條登山路線，分岔路多，每走一小段就要打開行山路線apps，查核一吓有冇行錯路。走了一小段發現有好多大小樹幹倒冧，打橫封鎖路線，唯有逐一小心攀過，但遇上爬唔過就唯有繞其他路缐行呢! 爬爬捐捐好快就到達獅尾脊入口，走多一小段就見倒~天梯石。天梯石其實是一組由幾嚿巨石拼合而成的一條長長石梯，面積大約長90尺濶10尺，因為外形似一條梯直上天空，所以名稱由此得來。打卡後直上靠右轉入石馬外脊，順道走訪埋石馬。拍照後又經過儍人塔，繼續沿獅尾脊上獅子山頂。好快就到達山頂，剛巧是日落時份，在獅山頂觀看日落， 俯瞰整個東九龍，真係美不勝收，賞心樂事，多麼壯觀呢! 拍過夠後沿麥理浩徑5段直走，經過筆架山落山完成旅程。 ▲獅子山不難找到打卡靚位 ▲夕陽多美 ▲獅尾脊上觀看美麗夕陽 ▲山竹過後有部分路線仍有待清理 ▲風雨過後部分路段有封佐有待山友打通 ▲山頂懸崖位置比較危險小編不建議攀上 ▲天梯石由幾組巨石堆砌而成 ▲有大地在我腳下感覺 ▲巧遇美麗雲彩 ▲獅尾脊直上獅子山 ▲夕陽美景令人心曠神怡 ▲石馬脊上的石馬 ▲天梯石 ▲有多條分岔路建議先安裝行山地圖apps ▲每逢假日獅子石都人頭湧湧 ▲穿過石縫 ▲筆架山日落美景 ▲俯瞰東九龍美景 ▲部分路段比較崎嶇 ▲獅子山頂有多個打卡靚位 ▲獅尾脊部分路段比較崎嶇需手腳並用 ▲要攀上獅子山頂有ㄧ定危險性必需量力而為 ▲路邊野花不要採 ▲觀看夕陽美景 ▲獅尾脊其中ㄧ個特色景點天梯石 ▲經獅尾脊直上 獅子山獅尾脊 路線: 法藏寺>獅尾脊>獅子山頂>筆架山 全程大約10公里 注意事項:-建議先下載行山地圖apps-多分岔路，建議由經驗人行帶領-攀上天梯石有定危險，量力而為-風高物燥切勿在山上吸煙，引起火災後果嚴重-愛護郊野清潔，自己垃圾自己帶走...
東涌站乘搭11號大嶼山巴士到達石壁水塘落車，整理好裝備之後，首先進入鳳凰徑8段，頭3公里都係石屎平坦路相當易行。 第一站到達狗嶺涌觀景台，從高處可以望倒白角海灣和嶼南界碑，影完相之後，沿山徑落山，到達狗嶺涌營地， 呢度有小河和溪澗環境相當之靚， 沙灘更是水清沙幼可惜經過暴風洗劫之後，好多大樹都倒冧和枯萎。 繼續沿山徑直走，好快就到達分流東灣呢度成個沙灘都係垃圾， 滿目蒼痍，希望有關部門可以早日清理。穿過好多垃圾嘅山徑到達分流石荀，呢嚿巨石大約有20尺高，外型真係好似一嚿放大咗嘅竹筍。 再繼續前進，到達一座巨型古蹟~分流炮台，保存得相當原整，大約有一個足球埸咁大，四邊由石磚堆砌而成，又好似一座四方城，入口處旁邊有石級上樓層，呢座古建築物係小編探索過衆多古蹟之中面積最大嘅。繼續沿分流郊遊徑走，到達分流廟灣， 顧名思義呢度坐立一所天后古廟， 所以名為分流廟灣。 下一站到達分流西灣， 鳳凰徑7段，呢度又係一個長長嘅沙灘 ，又係佈滿垃圾，如果行到呢度用盡食水或乾糧，可以響呢度補給，因為呢度有兩檔士多，可以幫襯一吓。 行到呢度雙腳開始發軟蹄， 但係時候唔早，唯有堅持落去，好快就到達煎魚灣， 呢度對面有一個小島，名為雞翼角。 繼續沿山徑直走，到達了二澳村，係大嶼山最西面，所以看日落就最靚， 最後到達了大澳海濱長廊，完成今次”軟足”旅程呢! ▲東涌站坐大嶼山11號巴士到達石壁水塘落車頭段3公里平坦石屎路好易行 ▲遠望白角灣 ▲狗嶺涌觀景台 ▲狗嶺涌觀景台旁邊就是嶼南界碑 ▲狗嶺涌營地 ▲狗嶺涌沙灘大樹被暴風吹倒開始枯萎 ▲狗嶺涌沙灘 ▲狗嶺涌營地有小橋沼澤環境優美 ▲分流東灣遠處可以望見分流石荀 ▲分流石荀大約有20尺高 ▲分流炮台 ▲炮台入口 ▲炮台入口 ▲炮台四面由石磚堆砌而成面積有如ㄧ個足球場 ▲小編暫時所見全港最大的古蹟 ▲分流西灣 ▲整個海灣佈滿垃圾 ▲希望有關部門可早日清理垃圾，不過我地要可以同時反思垃圾源頭，減少製造垃圾。 ▲經過暴風ㄧ劫後多處有大樹倒塌 ▲煎魚灣 ▲煎魚灣 ▲二澳村 ▲二澳是大嶼山最西面觀看日落ㄧ流 ▲二澳村小碼頭 ▲到達大澳完成旅程 注意事項:⚠ 部路途十分之漫長必須要有充沛體力⚠ 帶備足夠食水和乾量⚠ 必需有豐富行山經驗人仕帶領⚠ 風高物燥切勿在郊野吸煙,引起火災後果嚴重⚠ 愛護郊野清潔人人有責，自己垃圾自己帶走 分流路線: 石壁水塘>狗嶺涌>分流東灣>...
[駐場博客 @小牛牛快樂行山郊遊相集by Chan Keung］收到網友查詢，暑假開始了，好想帶埋小朋友親親大自然，唔想放假淨係留響屋企打機或玩手機。所以今次介紹一條簡單又安全嘅路線－ 大潭水塘，適合一家大細享受一吓郊遊樂趣。 大潭水塘 點去？ 由香港站坐66號巴士，去到黄泥涌水塘公園站落車(記得落車時拍多一次八達通)有分段收費回饋。之後行上斜路就見倒黄泥涌水塘，沿水塘旁邊一直走，轉個灣再上石級就進入大潭郊遊徑，先上一大段石板路，上到一半風景已經好開掦，可以望倒壽辰山，南朗山，深水灣一帶，再繼續沿山徑上，好快就到達紫羅山頂，呢度超大風，景觀超開掦，可以360度飽覽港島景色，在標高柱打過卡後，改為行衞奕信徑1段。 大潭水塘 依條路線有咩睇？ 落山途中見到好多野菌，外型十分有趣，顏色艷麗。當日温度高達32度，每行一段路就要停低飲飲水，休息一陣繼續落山，大部份都係梯級路，行行行…好快就到達大潭中水塘，沿水塘邊路徑走，經過第一條石橋，在石澗中發現~狗爪石，整嚿石有十幾尺長，狗爪分明，真係好似一隻巨型狗爪一樣，打卡後繼續前走，去到大潭中水塘水壩，可以沿小引水道落去壩底，下面有一大片儲水池，水面有大水泡湧上，好似有水怪準備浮上水面一樣。驚完之後沿小路上返大路，到達大潭篤水塘石橋，呢度係打卡熱點， 隔離仲有一個燒烤埸，一家大細呢度燒嘢食真係超正。繼續沿大潭水塘道緩緩直上，到達另一水塘~大潭副水塘，水壩左邊就係雙潭石澗，右面係副水塘，呢個水塘光位正洽到好處，每次經過呢度都可以拍倒靚靚倒影，水塘有多條魚𣈱泳，當中有好多錦鯉，為水塘添上一㸃㸃色彩。 繼續上路行到大潭上水塘石砌輸水道(Tai Tam Upper Reservoir Masonry Aqueduct1883 – 1888)，其實係一條有百多年歴史嘅石橋，行山之餘可以探硏一吓歷史故事。行完石橋後，嘩! 突然落超大雨又行雷閃電，好彩有帶備雨衣，p.s閃電記得唔好舉起雨傘，避免觸電喔! 再沿大潭家樂徑返回起步點~黄泥涌水塘。完成旅程，大約需時5小時。 ▲黄泥涌水塘起步 ▲大潭水塘旁邊就是大潭郊徑入口 ▲馬勃色彩艷麗 ▲山徑環境清新令人心廣神怡 ▲沿大潭郊遊徑上紫羅蘭山 ▲穿過ㄧ小段叢林 ▲到達山頂後再沿衛奕信徑1段落山 ▲山崗樹葉翠綠 ▲遠眺大潭中水塘 ▲繼續沿山徑落山大部分路段都是泥木板路 ▲野菌有毒不要接觸 ▲當天初時天氣十分晴朗甚料到稍後狅風驟雨 ▲遠眺龜背灣ㄧ帶 ▲狗爪石位置大潭中水塘小石橋旁邊 ▲大潭中水塘水壩 ▲水池湧出大量水泡好像有大水怪即將出現😅 ▲大潭篤水塘大石橋 ▲假蘋婆 ▲水塘公園有燒烤場 ▲環境優美適合ㄧ家大細同行 ▲大潭篤水塘大石橋 ▲大潭副水塘地勢形成可以經常看見優化倒影 ▲大潭副水塘美麗倒影 ▲水塘中錦鯉𣈱泳 ▲大潭上水塘石砌輸水道 ▲超過ㄧ百年歴史建築 ▲沿大潭家樂徑返回黄泥涌水塘完成旅程 大潭郊遊徑 路線:...
[駐場博客 @小牛牛快樂行山郊遊相集by Chan Keung］呢排D天氣好飄忽,ㄧ時陽光普照,ㄧ時又刮大風,落豪雨,甚至行雷閃電,近排仲發生不幸事件,令人惋惜。今次簡簡單單走訪郊遊徑,避開高地遇險機會。 港島徑 1段點去？ 香港大學站落車， 賽馬會教學樓對面山徑起步，入口有指示路牌， 行上幾段石級之後就到達碧珊徑， 山徑平緩易行，有樹蔭遮擋太陽，旁邊更有部分開掦位置，可以睇倒港島西面海峽， 遠眺周公島，喜靈洲，長洲。行咗大約半小時就到達第ㄧ個景點~龍虎山瀑布，不過早排天氣放睛，無乜點落過雨，所以瀑布像小溪ㄧ樣， 只看見流水中中， 天時暑熱，洗洗手，擦擦面，打完卡繼續上路，過咗龍虎山邊，開始改行港島徑1段，亦都係西高山腳，沿山徑行，都係平緩山路，到達薄扶林水塘，附近有一條山徑可以直上西高山頂，小編都爬咗ㄧ小段，找個高處拍攝水塘全貌，可是突然聽到𠾐𠾐巨響，再朝天望上去，厚厚黑雲遮蔽了半邊天，小編立即落山，離開高地，關掉手機，收起行山杖，用膠袋包起晒佢，避免比雷電撃中，好好彩落山後天氣好轉，繼續沿山徑走，繞過西高山腳，發現其中部分路段有樹木倒塌過，只需要小心可輕易跨過，又經過幾條小石澗，冰涼溪水可以洗洗面，抹抹手，大熱天時，係行山郊遊嘅冰奇淋。離開薄扶林水塘一帶，改轉為薄扶林水塘道，呢ㄧ段係石屎路緩緩斜上，好快就到達太平山山頂廣場，完成今次旅程。全程約6.5公里，需時約4小時 ▲香港大學起步進入碧珊徑山路平緩易行早上亦有不晨運人仕走訪. ▲起步半小時後好快就到達龍虎山瀑布，可惜今日無乜水好似小水溪 ▲小甲蟲 ▲港島徑1段其中部分路段有大樹倒塌小心跨過不太困難 ▲西高山邊有多條石坑可攀上山頂 ▲山中野菓不要採摘 ▲山澗清溪可以擦擦面涼快ㄧ吓 ▲從山徑步上西高山南崖 ▲突然遇上大雨烏雲密佈立即急脚落山返回郊遊徑 ▲野生菌類植物 ▲穿越山林 ▲西高山有多條山澗 ▲部分路段佈滿苔蘚要特別小心 ▲沿薄扶林水塘道返回太平山山頂廣場完成旅程 碧珊徑-薄扶林水塘-山頂廣場 行程:香港大學>碧珊徑>龍虎山瀑布>西高山腳>港島徑1段>薄扶林水塘> 薄扶林水塘道>山頂廣場 全程約6.5公里 需時約4小時 注意:⚠天氣變幻無常,遇上雷暴,立即遠離高地⚠帶備膠雨衣, 切勿高舉金屬雨傘⚠出發前留意天氣報告⚠愛護郊野清潔人人有責,自己垃圾自己帶走 文字／圖片來源 ：小牛牛快樂行山郊遊相集by Chan Keung...
[駐場博客 @ 賞山樂山］三支香位於新界青衣南部，山勢三度起伏，狀如三支香燭而得名三支香。行到山頂可睇到貨櫃碼頭、青衣北部、及昂船洲一帶景色。三支香位於青衣島, 登山可以有幾個途徑:1.青康路往青康路遊樂場再上山 ／ 2.美景花園旁(細山) ／ 3.香港專業教育學院(青衣)旁。這次行程先由青康路出發,沿斜路上山,10分鐘後會見到洗手間,建議先在這裡去洗手間,因為之後便沒有洗手間了。而洗手間旁邊有兩個足球場,可以說是小編的中學回憶,每個星期六都上山踢足球,真佩服自己當時的恆心 ▲上山經過的配水庫 ▲在洗手間對面的樓梯上山(慢慢上吧) 慢慢沿樓梯上山,10分鐘左右,便會發現第一條標高柱(行程合共有三個),附近更找到一塊牌,牌上有一首詩,很喜歡其中兩句:「行山驅百病,吹水解千愁」 ▲行山驅百病,吹水解千愁 。 ▲轉右再轉右 ▲往青衣西路方向 ▲果實 ▲青衣及葵涌一帶 ▲又是一首詩 ▲慢長樓梯級 不要心急 慢慢來吧 ▲第二條標高柱 ▲第三條標高柱 ▲青衣有另一個名字,叫春花落,在下圖位置的景觀的確是一流。難度越大 景觀越佳 ▲見到這條樓梯,前面的景色盡入眼簾 ▲昂船洲和貨櫃碼頭一帶 ▲離開需要稍走回頭路,直到找到下圖的路口,這方向是通往青衣IVE ▲經過晨運園地後,便會見到青衣IVE和美景花園,但在面前的,是大概一場級樓梯,行完真的有回腳震。到達青衣IVE後,可沿馬路走去美景花園,然後搭車離開 青衣三支香 難度: ＊＊(5＊為最難)需時: 3小時長度: 4公里交通:起點: 在青衣鐵路站乘搭249M或其他路線或小巴,在長青巴士總站落車終點:在美景花園乘搭88C小巴往葵芳鐵路站 路線參考：https://bit.ly/2L8qk7n 文字／圖片來源 ：賞山樂山...
[駐場博客 @小牛牛快樂行山郊遊相集by Chan Keung］在網上傳聞，位於靈會山一帶，有一座寺院隱藏在山林中，而呢座寺院附近仲一條飛龍，神出鬼沒，充滿神秘感，聽聞好人都上山尋訪，但好多人都徒勞無功 ，所以今次决定查過究竟呢！ 點搭車去靈會山？ 東涌巴士總站坐11號或23號巴士，到咗石𤩹水塘站落車，進入宏貝道，再轉入鳯凰徑8段，沿一條藍色引水道一直走， 好快就見倒一條金屬通道，横過之後再沿山邊走，到達大浪坑入口處，有絲帶記號，入澗後，發現入口比一般石澗較為窄一啲，周邊植物長得十分茂盛，今天水源充沛，下源大小水潭水位已經十分高漲，如果唔想濕腳，可以穿梭兩旁山徑，不過呢度可能較少人行，所以樹藤雜草密佈，又有好多蜘蛛網，有時都要攀爬大石避開密集叢林，行咗一小段已經大汗疊細汗， 有不小石頭都佈滿苔蘚，必需小心慢行，讓小編可以慢慢欣賞沿途美景。雖然大浪坑澗度很短，但係琴上琴落，都消耗了不小體力喔! 離澗後接返羌山郊遊徑， 其實是靠靈會山腰横行，呢度可以俯瞰分流一帶，風景開掦優美。好快走到分岔路口~分水坳，呢度可以上𩆜會山頂，煎魚灣，分流，萬丈瀑，水澇漕多條路線， 今次選擇住萬丈瀑方向，進入鳯凰徑5段， 一直沿山徑走，行到L047標柱，靠右邊發現有一條隱徑，有絲帶引路，大約走多百多米之後，就能到達。 隱世飛龍活靈活現 今次行程主要想揾嘅飛龍， 呢條飛龍隱藏於深山之中， 想搵倒佢都要響網上面搜集資料做下功課， 當發現佢時真係好開心，仲可以近距離接觸， 雖然呢條飛龍已經建築咗一段時間，但係龍身上面嘅油漆依然十分光澤， 造型栩栩如生 ，據説呢條飛龍係慈興寺所建造的，所以一同隱藏於深山中， 拍完照後，小編貪快，揾咗另一條隱徑穿林離開，點知行咗一段好長嘅山路，發覺越離越唔對勁， 雜草樹藤頻生，棘手棘腳，路杯漸漸消失，山徑就越嚟越唔明顯，結果穿林變成爆林，爆咗一段漫長嘅樹藤，雜草，繩網陣嘅密林，超焗超熱好辛苦，最後費盡体力才能走番出郊遊徑，好彩無中暑咋，下次都係唔好貪快! 繼續再沿鳳凰徑5段 去到龍仔悟園，呢度以前小編都嚟過，記得當時呢條九曲橋冧咗， 日久失修所置掛! 但係今次呢度就完全唔同晒， 條橋已經起返好曬，四周圍都修復過晒! 湖水清澈，仲有靚靚倒影添！令人一見難忘喔! 影影吓發覺已經6點幾，速腳走人， 途中發現金蟬脫殼，行咗幾年山都係第一次見， 跟住好快落山去到大澳海濱長廊，剛剛日落magic time， 迷人美景，十分浪漫，真係大滿足，在大澳碼頭仲有2隻牛牛，同佢哋合照後完成旅程。 ▲石壁水塘起步，進入鳳凰徑8段，旁邊是一條藍色的引水道 ▲進入大浪坑入口開揚 ▲大浪坑下源水質清澈 ▲如果唔想濕腳，就要穿越叢林 ▲行走石澗必須步步為營小心滑倒 ▲大浪坑有多個大小水潭 ▲石澗兩旁長滿雜草樹藤 ▲充滿原始風味 ▲沿途只有小量絲帶作路標 ▲路旁小花 ▲行石澗有ㄧ定危險新人不宜 ▲小蜻蜓被蜘蛛網，痴住對翼，幫佢解開重獲自由. ▲離開澗道 ▲進入羌山郊遊徑 ▲到達分水坳接上鳳凰徑5段 ▲烈日當空切記做好防曬措施每人最少帶2至3公升水...
