【行山路線:彌勒山日落!】

[駐場博客小牛牛快樂行山郊遊相集by Chan Keung] 今次介紹一條比較簡單嘅路線比大家,雖然唔係正式郊遊徑,但係山徑路面大部分都係泥石路,路徑明顯,好適合一啲有行山經驗,但係行郊遊徑行到悶悶哋嘅山友。

首先在東涌坐23號巴士到昂坪總站落車,整理好裝備之後開始起步,經過大佛正面,旁邊有條石屎路一直行,大約一公里之後就到達法門古道入口,响旁邊沿石級直上,進入彌勒山郊遊徑直上,首段大部分都是石級路,再轉入山徑,呢一段就泥石路為主,好快上到小山坡,有一座類似巨型測量儀嘅物體,呢度比較開掦,背向鳯凰山,周圍仲有一嚿嚿巨石,可以作為打卡用途 。

沿山徑繼續上,呢一段開始比較崎嶇,不過唔難行,建議穿手套,長褲,避免𠝹傷手。上彌勒山路程唔算長,好快就到達山頂,除咗標高柱之外,旁邊仲有一啲測量儀器在興建中,有重重鐵絲網圍住,呢個山頭仲係芒草盛放熱點,每逢踏入秋季,芒草就會生長得好茂盛。打完卡沿山徑落山,一口氣落到彌勒山郊遊徑接駁處,呢度仲可以近距離見倒360纜車添,在360救援徑附近有一條長長石級,又被山友稱為~天國階梯。

當天落山正是日落時份,觀賞斜陽美景,完滿了今次開心旅程。

注意事項:
建議先下載行山地圖apps,避免迷路
有少部份需穿越叢林,建議帶備手套
愛護郊野清潔人人有責,自己垃圾自己帶走

▲彌勒山對面就是鳳凰山

▲彌勒山郊遊徑可以近距離欣賞纜車

▲夕陽餘暉

▲沿途没有樹蔭做足防晒措施

▲登上彌勒山第ㄧ個小山坡

▲巧遇火燒天夕陽美景

▲彌勒山頂標高柱

▲登上彌勒山路線明顯不太難走

▲天邊ㄧ隻雁

▲靚靚芒草配合夕陽拍攝

▲山坡上有多塊巨石

▲觀看夕陽美景

▲迷人芒草

▲360救援徑旁邊有ㄧ條長長石級被山友稱為天國階梯

▲美麗的夕陽配合纜車剪影

彌勒山郊遊徑

路線: 路線: 昂坪>彌勒山郊遊徑>彌勒山頂>彌勒山郊遊徑>昂坪 全程6公里,需時3小時