鐘意食餃子既你地唔可以錯過今次介紹既呢間既餃子店，呢間係青衣戲棚擺檔時已經係最長人龍排隊既一間食檔，佢既餃子辣汁真係好令人懷念。 餃子辣汁出名之外，呢間既炸餃子都好出名嫁，餃子內既餡都好特別，有別於平時餃子店食到既款式，例如:泰式炸餃、芝士比薩炸餃、 金菇肥牛炸餃等咁有創意既餃子餡。餃子餡有好多款比客人揀，睇到心花眼亂，每隻餃子都漲卜卜，一人食6隻都會飽，餃子皮食落唔會太厚同埋餡料很足料。 ▲秘制醬汁撈麵加4隻野味韭菜豬肉餃子($44)：秘製醬汁係成個撈麵既精華，醬汁係用醬油、醋、多 蒜、蔥及芫茜調配而成，食落去非常惹味！由於好重蒜既關係，食完個口會幾大陣味，可能要食完食番粒香口膠中和下。餃子好大一粒，入面餡好足，食落去好重韭菜味，值得試！ ▲ 芝士比薩炸餃($47 6隻)：呢款餃子見到個名都想試，估唔到食落又幾有pizza既感覺，入面有洋蔥、肉碎、芝士同埋番茄碎，食落去帶點酸甜地既味，幾開胃。 ▲ 香脆芝士煙肉薄餐($46)：除左餃子仲有其他特色小食，呢款薄餐煎到好香脆，蔥粒同煙肉份量都多。食落去好唔算太油膩，仲食到淡淡芝士味，好味程度會令人食完一舊再一舊。 ▲ 姨臣炒麵($46)：聽個名可能未必知係咩，問完店員先知其實係多料既炒麵，味道食落去甜甜地，配料有肉絲、栗米、甘荀、雲耳、芝麻。唔中意食芝麻既人記得落單之前走芝麻。 ▲ 金菇肥牛炸餃($47 6隻)：呢個食落去算係最特別既一款，入面肥牛都算多，食落去重黑椒味，都少少辣，呢款配炸餃最適合不過，變做湯餃餡既話總係覺得會唔係好夾。 文字來源：香港人遊香港 / 圖片來源 :@eat_travelism、@hkfood_girl、@ tomato_c_hing、@athblue 、@t.luv.t、@...
