位於屯門的泰式煎餅店宣布於6月30日正式結業，最近推出結業優惠，買滿$50即送泰式奶茶、蜜桃冰搖茶或柚子蜜蜜一杯。小店主打泰式煎餅，曾經創下日賣200件的佳績，更被網民想為全港最好食的香蕉煎餅。
去過泰國既應該都會係路邊見過香蕉pancake，煎過既香蕉餅皮，加埋煉奶奶或者朱古力醬，超級邪惡！返香港後掛住呢個味道？而家唔洗飛泰國，係香港都食到啦！呢間小店主打就係「招牌香蕉煎餅」，用香蕉、雞蛋整成餅皮，煎過餅皮口感有少少脆但不失蛋香，再加入香甜軟滑既香蕉餡，最後淋上煉奶同朱古力醬，口感超豐富，非常邪惡！想再重口味ｄ既仲可以選加入朱古力、Nutella 榛子醬、花生醬等等，岩晒螞蟻人！鋪仔細細既小店仲要自帶連儂牆幫香港人打打氣，絕對值得一試！ ▲「招牌香蕉煎餅」(HKD$25)，用香蕉、雞蛋、朱古力醬同煉奶整成，外皮煎得香脆，大加分！ ▲係表面淋上大量煉奶同朱古力醬，雖然比較甜但就好香，螞蟻人最愛！ ▲除左招牌香蕉煎餅，想再濃味D可以選「Nutella 榛子醬香蕉煎餅」(HKD$30)，裡面一樣有咁多香蕉啦！ ▲鋪頭細細其實冇咩位，但店主都堅持保留連儂牆，連MENU上都貼滿晒memo，非常有心！ 香蕉仔 地址：元朗大陂頭徑褔星樓地下6號舖 (蠔滋味美食坊)營業時間：11:30 – 03:00 文字來源：香港人遊香港／圖片來源：@hkkongfoodie、@tkwphoenix...