去開日本嘅朋友應該都會知道，喺不同地區嘅Starbucks都會有佢自己嘅特色！呢間喺川越嘅Starbucks 3月19就重新開幕，走懷舊日系風格，仲有一個大大嘅庭園景俾你邊賞邊嘆咖啡添，夠曬寫意！ ▲呢間Starbucks (川越鐘つき通り店) 雖然位於傳統和風街道上，但係零違和感。 ▲店舖入面有一個好大嘅和風庭園。 ▲牆上面更放置不少由大正至昭和初期嘅藝術品，而椅背上亦有傳統嘅紡織物作裝飾！ ▲喺香港，相信都無咩機會可以望住庭園景慢慢嘆番杯Starbucks咖啡了！ Starbucks (川越鐘つき通り店) 地址：15-18 Saiwaicho, Kawagoe, Saitama Prefecture 350-0063, Japan 文字來源：香港人.歎世界/圖片來源：互聯網...
身為鐵道迷，如果想去日本朝聖的話，呢個博物館就岩曬你喇！位於東京都江戶川區嘅地下鐵博物館，由東京Metro經營，收藏咗大量地下鐵實物同模型，包括日本第一條地下鐵，館內仲設有體驗室等你一嘗做車長嘅滋味添！ ▲搭乘東京Metro東西線去到葛西駅落車就可以見到指示，跟住行就可以見到喺軌道下方嘅博物館 ▲葛西地下鐵博物館，係東京Metro旗下嘅文化事業，由1986年開館至今已經有32年。而日本最早嘅地下鐵路原來係東京嘅銀座線，開通至今已91年時間。 ▲呢個按比例縮細嘅電車模型，其實就係展示緊目前東京Metro所營運中嘅九條路線。 ▲電車體驗區有專人指導，利用真實器材同模擬嘅操作畫面，俾你感受一下做車長嘅滋味！ 地下鐵博物館 地址：江戶川區東葛西6-3-1 文字來源：香港人.歎世界/圖片來源：互聯網...
陪伴唔少人成長嘅蠟筆小新以埼玉縣春日部市為舞台，亦係作者臼井儀人度過青春期嘅地方，一踏出春日部市，已經可以見到到處都係小新嘅身影，而呢間Studio仲展出咗不同小新嘅資訊添，係粉絲的話就唔好錯過喇！ ▲由「春日部駅」西口出發，大約5分鐘左右就會見到一個叫「LaLa Garden」嘅商場，小新Studio就位於3樓！ ▲一入去中間部分就係小新嘅展區同影相位，另外仲有賣精品同埋玩小遊戲嘅地方，現場總有一部小新主題嘅貼紙相機㗎！ ▲連夾公仔機都係以角色為主，有好多小白等緊你帶佢返屋企！ ▲小遊戲總共有兩款，都係非常簡單，係連小朋友都可以玩嘅遊戲，成功嘅話可以得到小禮物，輸的話店員都會送番盒糖俾你當安慰獎。 事實上呢度其實係一個game centre，只係劃開了一個小區域來做小新嘅主題！不過個人認為如果時間許可的話而你又喜歡購物的話，你都可以黎參觀下，因為附近仲有一個超大型嘅購物商場，可以連埋當半日至一日遊嘅景點👍 蠟筆小新Cinema Studio 地址：埼玉県春日部市南 1-1-1 ララガーデン春日部 3階 文字來源：香港人.歎世界/圖片來源：互聯網...
去日本食飯，其中一樣最鍾意做嘅事就係欣賞佢地門口嘅食品模型，唔只精美仲栩栩如生添，真係令人食慾大增呀😋嚟到呢間手作店，你仲可以帶自己專屬食品模型返去添，不過記住佢係睇得唔食得㗎！ ▲日本餐廳其中一個特色就係門口總係放滿各種超像真嘅食物模型 ▲由1932年開店而今嘅「元祖食品サンプル屋 合羽橋ショールーム」，係一間食品模型專門店。 ▲店內總共分兩層，第一層放置咗好多現成嘅食物模型以供販賣，好似漢堡扒，天婦羅，甜品，生果，應有盡有 ▲而第二層就係模具工作坊嘅場地，客人可以喺七種指定嘅款式入面揀兩款黎學習，不過想上堂就必須要預約。如果時間唔許可嘅話，佢都有現成嘅套裝俾你地返屋企自製模型，鍾意手作嘅朋友就唔好錯過喇！ 元祖食品サンプル屋 合羽橋ショールーム 地址：東京都台東区西浅草3-7-6 文字來源：香港人.歎世界/圖片來源：互聯網...
如果企喺豐似湖嘅湖邊，你可能會覺得佢平平無奇，不過如果你用俯瞰嘅角度，就可以見到一個心型❤，所以佢亦被稱為「秘境之湖」，係一個非常浪漫嘅自然景點。 ▲豐似湖位於北海道日高山脈襟裳國定公園內，海拔260公尺，周長直徑約1公里，因為外型似心心，所以又稱為馬蹄湖或者心湖 ▲豐似湖之所以出名，係因為喺「白色戀人」巧克力廣告畫面曾經出現過呢個心型湖，不過想睇到完整嘅心型，就一定要坐直升機 ▲由2015年開始，每逢秋天楓葉正紅嘅時候就會推出豐似湖直升機遊湖計劃（期間限定約3星期） ▲直升飛機為四人座，飛行全程約8分鐘。專業機師會以適當嘅速度環湖一周，等乘客可以360度無死角欣賞絕美湖景。個人認為非常適合作為求婚嘅場景呢！ 豐似湖 地址：北海道幌泉郡えりも町目黒（從舊目黒小學校起飛） 文字來源：香港人.歎世界/圖片來源：互聯網...
如果你打算去滋賀縣旅遊，咁就千其唔好錯過呢個美秀美術館！特別係櫻花🌸同紅葉🍁嘅季節就更加有氣氛，櫻花盛開嘅時候，呢度就徬如一條粉紅隧道一樣，非常浪漫，係少女打卡之選。 ▲美秀美術館（MIHO MUSEUM）係位於日本滋賀縣甲賀市嘅私立美術館，於1997年11月開館，當時更獲美國《時代周刊》選為全球十大建築 ▲通往美術館前嘅隧道盡頭是一整片櫻花樹林，每年4月上旬至中旬嘅櫻花季節期間，由隧道望出去就好似一個粉色萬花筒一樣，好浪漫！ ▲出咗隧道之後，可以見到一座大橋，橋嘅本身只靠鐵線支撐，所以行起上黎會有搖晃嘅感覺，橋嘅對面就係美秀美術館嘅主館 ▲除咗櫻花季之外，當紅葉盛開嘅時候，周邊嘅景色就會有另一番風味 美秀美術館 地址：滋賀県甲賀市信楽町桃谷300網址：https://kyoto.travel/tw/thingstodo/museums/88 文字來源：香港人.歎世界/圖片來源：互聯網...
去咗東京咁多次，已經厭倦咗大城市繁華嘅環境，想嚟一個不同嘅體驗？不妨去川越日歸小旅行。距東京都心，只需30分鐘車程，川越保留咗江戶往日嘅風貌，包括江戶至明治時期，喺川越漫步，就彷如置身於不同時代嘅日本一樣。 ▲由東京都心前往川越非常方便，好似由池袋出發坐東武東上線大約只需31分鐘，由新宿坐西武新宿線則約需43分鐘 ▲走在川越嘅老街上，周圍都可以睇到好多舊式嘅和菓子店，呢度亦被稱為《菓子店橫丁》，佢喺2001年更被日本環境省選為《味道風景百選》之一 ▲著名景點 本丸御殿 係川越城唯一遺留落黎，現存被留下嘅有玄關、大廳以及復原嘅家老集會所，係一座充滿武士沉穩風格嘅建築 ▲冰川神社以求緣份而聞名，每年都有好多情侶係呢度舉辦婚禮，偶爾仲會見到著住日本傳統禮服「白無垢」嘅新娘添！而每年嘅七八月，呢度都會舉辦綁風鈴嘅活動，埸內掛滿唯美色彩嘅風鈴，加上被風吹動嘅嚀噹聲，感覺非常治癒！ 佢地仲提供「小江戶景點周遊巴士」同「小江戶巡迴巴士」，一日券價格分別為300Yen同500Yen，詳細路線可以上官方網站查詢 川越 地址:日本琦玉川越市網址：http://www.koedo.or.jp/foreign/chinese_tr/ 文字來源：香港人.歎世界/圖片來源：互聯網...
喜愛到日本購物嘅朋友，可能都會聽過CouCou呢間少女風雜貨店，但原來佢仲有一間姊妹店係專賣愛麗絲雜貨㗎！呢間「水曜日的愛麗絲」就連門口同裝修都非常夢幻，貼合主題，啱曬一班愛麗絲迷啦！ ▲水曜日的愛麗絲總共有3間分店，分係位於福岡、渋谷同心齋橋 ▲店舖嘅設計概念源自於經典童話故事「愛麗絲夢遊仙境」，店內外都設有好多門，而入口嘅門更加係迷你版，必須彎低身先可以入去，就好似愛麗絲一樣 ▲店舖總共有三層，每層都有唔同嘅主題，第一層係賣糖果零食為主、第二層係賣飾物、第三層則係手機殼明信片等 ▲由於店舖人氣太高，係假期嘅繁忙時間就有機會有排隊甚至即場攞籌了 水曜日的愛麗絲 地址: 東京都渋谷区神宮前6-28-3カノンビル網址：http://www.aliceonwednesday.jp/ 文字來源：香港人.歎世界/圖片來源：互聯網...
去東京唔行街可以做乜？不如去近郊行下！日原鐘乳洞係位於東京都奧多摩町嘅天然鐘乳洞，亦係關東地區最大級別嘅鐘乳洞，洞中全年都保持於攝氏11度左右，可以感受到冬暖夏涼嘅天氣。 ▲由新宿駅坐JR中央線，再轉搭青梅線，到奥多摩駅只需2小時即可到達，再搭由奥多摩駅開出嘅巴士約35分鐘左右，就可以到達「日原鐘乳洞」 ▲洞內全年平均溫度為11度，行一圈大約需要40分鐘，總長約800米，係關東地區最大級別嘅鐘乳洞 ▲鐘乳洞內有各式各樣嘅鐘乳石，全部都係經歷幾十年至幾百年而形成的。沿著步道行，仲可以欣賞到打喺岩壁上嘅色彩鮮豔嘅燈光，寧靜又帶點神秘。 ▲營業時間根據不同時期而有所變動，如4月1日至11月30日為上午8時至下午5時。12月1日至3月31日為上午8時30分至下午4時30分。12月30日至1月3日則由於是新年期間將不會開放。唔想摸門釘建議出發前再做好資料搜集喇。 日原鐘乳洞 地址: 東京都西多摩郡奥多摩町川野1740 文字來源：香港人.歎世界/圖片來源：互聯網...