青山

俯瞰屯門全境！ 小編住左新界西咁多年，都係第一次行青山，相信大部分人對青山認識只局限於青山醫院，其實屯門青山係行山界都算係響噹噹，原來青山係香港三尖之一，上斜十分陡峭，唔容易handle，但屬於行山初哥既小編選擇由良景邨上良田坳反其道而行，上山坡手腳並用似乎不是太吃力。反觀迎面而來的行山人士，落山坡要克服泥沙碎石，行時唔容易搵落地點，缺乏經驗行山人士要特別要注意喇！ ▲其實今次青山之旅係一個騙局，話說同行友人聲稱會帶我去屯門大峽谷，點知去到良田坳平台同大隊分道揚鑣，我先驚訝地發現將要登上香港三尖之一－青山。 ▲行得愈高，景緻愈清晰，由良田坳出發，路況唔算難行。 ▲沿路都係沙石山坡，小編成日都問「乜有路咩？」其實小心Ｄ慢慢上都勉強應付到。 ▲上得更高唔難發現芒草蹤影 ▲綠茸茸既野草同藍天互相輝映。 ▲好彩小編係由良田上山，否則上完萬千樓梯之後要落呢D沙石山坡… ▲上到其中一個高點，若當日天朗氣清，就可以俯瞰屯門全境 ▲呢個時候已經望見家鄉，青山發電站已經近在咫尺 ▲行多一兩個山頭，已經到左青山發電站，時間唔容許我再登上發電站。呢個時候都差不多日落西山，沿青山寺樓梯直奔山腳。 ▲最後當然要歎埋個日落先走！ 青山腹地 行山路徑：良景邨＞良田坳＞青山寺＞青雲路 所需時間：4.5小時 文字／圖片來源：香港人.遊香港...

日落西山秘境！ 九徑山？邊度黎架？小編住左新界西咁耐，都唔知屯門除青山之外，仲有一座九徑山。聽聞九徑山有九條路上山而因此得名。當日小編選擇係麥理浩徑引水道上山天梯落山，路途相當驚險，山上貧土瘠地而多石，兩旁都係人咁高既草叢。平日上山更加1個人都冇，唔似其他山咁咁多人。上到山頂就可以用另一角度俯瞰屯門，日落西山更是浪漫之地。 ▲由入口位行至有開揚景致平台都需要一段時間 ▲登上天梯後，可沿途欣賞屯門一帶景色，遠至大欖涌水塘都可以看到係影全景相同睇日落嘅的好地方，沿麥理浩徑10段最後轉入小徑往錦暉花園作終點。 ▲影女神相何必去大東山，通往山頂其實亦芒草處處 ▲遠觀宏偉而豪華既哈羅學校，唔難聯想起台劇/韓劇既貴族學校。 ▲鹹蛋黃配合山景，呢幅行山記錄照最靚 ▲由山頂觀日落，亦可以睇哂成個屯門，實在有大地在我腳下之感 ▲睇完日落之後，小編隨「天梯」落山 行山路徑：何福堂>麥理浩徑第10段> 九徑山＞ 錦暉花園行山路徑(逆行)：麥理浩徑M196＞九徑山山頂＞麥理浩徑第10段＞何福堂長度：約6公里時間：3-4小時 文字來源：香港人.遊香港／圖片來源：香港人.遊香港、Wayne Law、張煜錕...