呢度上年先開，裝修陳設似足舊式扒房，不過同區舊式扒房坐得好逼，呢度就挺寬敞。塊西冷牛扒肉質鮮嫩，塊牛扒仲大過塊臉，厚度足足有成寸，目測份量估計足12安士！！鐵板上既牛扒表面先煎焦糖色，煎得非常漂亮！ ▲寶石鐵板美國西冷$138 食落嫩腍牛扒調味足夠，小編推薦黃金組合五成熟配黑椒汁！黑椒汁以洋葱碎、蒜茸同黑椒，香氣十足。 ▲怕黑椒汁太辣，洋葱蒜茸汁都係個唔錯選擇！ ▲寶石鐵板紐西蘭牛柳拼扇貝，以煎過車厘茄同薯條做配菜可見誠意十足。淋上濃濃黑椒汁後，香氣四溢！ ▲如果想控制返d醬汁份量，可以自己落醬汁，唔怕彈到成身都係！ ▲白汁海鮮焗意粉$68 焗意粉都係大大碟！意粉與忌廉汁配搭恰當，提升其美味。 ▲鐵板餐唔跟沙律可以揀蒜蓉炒雜菜！ 寶石餐廳 地址：元朗安樂路1-11號明珠樓地下7-9號舖電話：27713600營業時間：11:00 – 23:00 文字來源：香港人.遊香港／圖片來源：@tiffood_61、ravankc、yukikei_mini、lm.mino、diamondrestaurant2017...