中環間新派葡萄牙餐廳現時推出三大抗疾優惠套餐，只需要$380 就可以享用到6 道 正宗葡國菜 ，包括: 四款前菜、一款主菜和一款甜品 。一個價錢就可以食到咁多款葡葡國菜菜式，實在太抵食啦。除此之外，客人仲可以每位$228享用「葡萄牙砵酒芝士拼盤」，餐廳悉心準備左三款酒各配兩款芝士，一路飲住杯酒，食住餐廳配搭既芝士款式，真係好夾。如果唔岩飲酒既話，都仲可以加$580配隻滋味 Piri Piri 燒雞。就算現時因為疾情令到唔可以出國去葡萄牙品嚐正宗菜式，都可以係中環品嚐到。 ▲叫餐後店員會有份麵包比客人作餐前小吃。 ▲ 紅菜頭牛油果沙律配蜂蜜芥末油醋 : 這個沙律實在太健康，紅菜頭同紅蘿蔔切成粒加入醋、牛油果醬同新鮮羊奶芝士撈埋一齊食，食落去酸酸地既感覺，好開胃勁岩餐前小吃既第一道菜。 ▲傳統炸馬介休球: 馬介休球係葡國菜最有特色既一道菜，呢度既大廚將馬介休同薯仔比例成六比四，食落去每啖都有一絲絲既馬介休魚肉，唔似平時出面葡國菜餐廳咁食落去好薯粉。馬介休球配搭埋餐廳自家製既蒜蓉蛋黃醬，食落去味道仲更加好食。 ▲傳統葡萄牙白酒蒜蜆 :呢道一上菜已經好香白酒蒜蓉味道，因為加入左白酒同檸檬汁令到大蜆既鮮味無比蒜蓉味蓋晒，大蜆既肉都好大粒同埋入晒味，全因為廚師事先將汁煮好再用黎炒大蜆，唔係就咁將汁倒在大蜆上。 ▲傳統芥末汁牛肉...