位於油麻地有間樓上cafe，推出左個198蚊超抵食tea set，盛載經典英式茶點，咸甜點都各有精彩！甜點小編最欣賞層次分明且味道芳郁既咖啡劇院蛋糕，而咸點搭配型格黑白大理石餐盤工整陳列，未食已經可以勁打卡！除左tea set之外，三四好友仲叫多其他款式下午茶開心share！ ▲復古雲石Tea-Set（2人用）甜點有英式鬆餅、抹茶紅豆奶凍、咖啡劇院蛋糕、雲呢拿泡芙-、雲石芝士蛋糕，小編特別欣賞醇厚既咖啡劇院蛋糕，層次感十足。 ▲士多啤梨撻，擁有油味酥香既牛油曲奇底撻襯托新鮮既士多啤梨同鮮忌廉，青青澀澀好有少女感覺。 ▲復古雲石Tea-Set（2人用）合共有9款，每款2件。金銅色邊框玻璃面既器皿加上黑白大理石餐盤，典雅非常。 ▲大熱天時，仲可以＋＄19 叫返杯特飲消下暑！ ▲焗龍蝦沙律芝士厚多士-一切開厚多士澎湃嘅蛋汁湧出黎！而且龍蝦肉都唔少架，啖啖都食到豐盈蛋汁包裹龍蝦肉. ▲抹茶紅豆奶凍入口細滑，只係微甜，帶出抹茶甘香。 ▲咸點則有鮮蘑菇撻-、松露蟹肉芝士多士及玫瑰三文魚伴魚子醬. ▲炸玫瑰雞翼配意式甜酸醬（$58）口感外酥內嫩，配意式甜酸醬確係一流！ Love Café 電話: 3899 0062地址: 九龍窩打老道40號拉斐特2樓 文字來源：香港人.遊香港／圖片來源：香港人.遊香港...