位於尖沙咀K11呢間cafe門口同室內都放置好多乾花，一眼望落似花店多過Cafe。餐廳環境清幽，食物以花入饌，主打用鮮花做成的創意料理。「朝花御饍二人前」有分子乳酪蕃茄啫哩沙律、蟹膏味噌冷豆腐、洛神櫻花昆布牛肉卷、白玉蘭冰花冷素麵等七道菜配以特色花茶，每道菜都精緻到唔捨得食。天氣開始凍多款熱花茶例如洛神花、玫瑰花一定唔少得，想再特別點仲有熱桂花抹茶Latte、薰衣草奶茶等可以選擇。係個可以比你「食花，飲花，買花，學花」既地方。 ▲門口擺滿乾花，唔知仲以為係普通花店，係商場內的”隱世Cafe” ▲「朝食」即係日式All-Day-Breakfast，有熱食、漬物、小食、特色飯團等 ▲每道菜都會加入花的元素，連沙拉都係，花瓣真係可以食架 ▲「朝花御饍二人前」七道菜都精緻又特別 ▲特色花茶當然唔少得，「百里香檸檬紅茶(HOT)」秋冬飲就最岩 ▲根據季節時令，餐廳仲會提供合時令花茶或飲品，「桂花抹茶拿鐵」諗起就暖胃 朝花夕拾 地址：尖沙咀河內道18號K11購物藝術館2樓201B號舖電話：35720078時間：12:00-22:00 文字來源：香港人.遊香港/圖片來源：@zhxs_prff、@nothingbutfoodies...