日本好去處｜芝麻街官方Cafe登陸東京 全球唯一的芝麻街官方Cafe登陸東京！官方商店集結咖啡店、商品店、工作坊3大區域於一身，更推出6款夏季限定角色造型刨冰，包括Elmo、Cookie Monster、Big Bird、Abby、Oscar、The Count，配合各角色專屬顏色仲用咗唔同配料。另外，必食有角色造型冬甩，造型繽紛、可愛！而且，商品店出售多款周邊商品，如公仔、杯具、咕𠱸等，芝麻街粉絲朝聖必去之選！ ▲角色造型冬甩，相當可愛，必食之選！ ▲Elmo刨冰(1,980日圓)(左)：以草莓、糖漿、牛奶為配料；Cookie Monster刨冰(1,980日圓)(右)：以蜜瓜、煉乳、雲呢拿味奶油為配料，仲放上Cookie Monster最愛嘅朱古力曲奇！Big Bird刨冰(1,980日圓)(下)：以芒果、糖漿、牛奶、忌廉為配料。 ▲咖啡店仲會推出3款期間限定角色刨冰，分別係抹茶提拉米蘇口味的Oscar刨冰(1,980日圓) (左)、水蜜桃和乳酪忌廉配搭的Abby刨冰(1,980日圓)(右)，同埋巨峰提子口味的The Count刨冰(1,980日圓)(下)。 ▲繼推出櫻花粉紅色Elmo精品後，芝麻街再度推出限定版「The Sunny Days」系列精品，Elmo & Cookie化身成朱古力薄荷色，融入不同商品，包括有公仔、手袋、萬用包、小鏡等等，清新感十足！ ▲商品店出售多款周邊商品，如公仔、杯具、咕𠱸等等。 ▲場內設有可愛打卡位，粉絲們記得去打卡！...
