繡球花是香港常見的觀賞性植物，一般繡球花的花期都是春天至夏天，但由於今年天氣反常，繡球花已經罕見地遍佈在石門和天水圍的小區中，數量更加有過百朵！市民不用出國旅行或花費，便可以在街道或者公園内免費觀看鮮艷奪目的繡球花。
石門嘅京瑞廣場一向都係美食熱點，鍾意食burger嘅你哋一定唔可以錯過呢間西式小店！主打Burger嘅Supine，餐牌有多款漢堡選擇，包括烤牛肉漢堡包、挪威三文魚燒菠蘿漢堡同香橙吉列魚柳漢堡等。所有漢堡即叫即製，熱辣辣咁上碟，帶嚟100%滿足感！ ▲ 漢堡跟餐仲送沙律或者薯條，同埋一杯$16內飲品！ ▲ 足料大份，一啲都唔馬虎！ ▲ 漢堡高到一啖都咬唔哂！ ▲ 店內仲有唔同意粉或飯選擇！紐西蘭羊扒西西里意粉 ($90) ▲ 日本紫芋栗子薯餅 ($38) 文字來源：香港人遊香港 / 圖片來源： 香港人遊香港 、@foodie_siulok 、@foodie_dydy...
石門京瑞廣場有迷你葵廣之稱，故明思義呢個商場實在卧虎藏龍地隱藏好多小店！呢間小店以光鮮亮潔既店面，加上簡約既招牌、古典花紋吊燈，不過唔係咖啡配意粉，而係以豆製品做主打！而店主取名以「豆腐巴克」，希望將良心同健康既食物打入，所有豆品都係採用加拿大直送高級有機黃豆，絕對高質！嫩滑豆腐花豆味濃郁，甘之如飴，而一口炸豆腐一啖一個，方便食用，外脆內軟豆香味濃。 ▲一口炸豆腐，金黃色外皮非常酥脆，內餡豆腐紮實綿密的，豆香味十足！ ▲養顏桃膠系列（$28）桃膠加上豆腐花有養顏效果。 ▲三色芋圓（$28）口感煙韌紮實簡樸又美味 ▲一口炸芋圓（配煉奶） $22，炸過芋圓香脆 ▲一口炸爆漿芝心丸（5粒） （$18） 文字來源：香港人遊香港 / 圖片來源：@thisis___q、@fattyfoodiee、@lepetitmi.chaeael、@chenglaichiu...
[博客授權分享: 芊嶠與細佬·雞蛋仔] 今日趁住嶠爸放假，我地一家去左位於港鐵「石門站」京瑞廣場1期嘅親子主題餐廳《KidsKiss Kingdom》。嶠媽想講，簡直係小朋友嘅天地。呢個餐廳全部以「都市（Urban）」為主題，建構出同香港城市一樣的多元文化。小朋友可以透過玩樂區學習社會上不同事物，同其他小朋友一同齊玩和享用食物，培養出小朋友人際關係和解決問題的能力。 ▲「特濃芝士燴嫩雞飯」個汁冇得頂，雞真係好嫩嘅。 ▲「焗豬扒包飯」塊豬扒真係好好食。 ▲「芒橙杏仁冰」嶠媽本身對杏仁冇咩興趣，但哩杯飲品令我對杏仁改變左睇法，真係要大叫一聲好好飲。 ▲活動區分左認知發展區 及 實景互動區。認知發展區：有親親寶寶區、巨型蠟筆畫廊、原木火車玩具；實景互動區：有迷你市集、得意小農場、賽車道。由細小嘅小朋友，到大小朋友，都一定有野啱玩，照顧到好似嶠媽咁有兩位唔同年齡嘅小朋友。 ▲《親親寶寶區》適合好似劻霖咁細個未識行嘅小朋友玩，鐘意周圍爬都冇問題！ ▲《巨型蠟筆畫廊》有好多隻顏色嘅 Crayola 蠟筆比小朋友選，仲有好多款嘅圖畫比小朋友選來填色！好適合鐘意靜態活動嘅小朋友！ ▲迷你市集 ▲小朋友可以推車買餸，之後亦可化身小小收銀員，都真係好好嘅體驗！芊嶠對此收銀機愛不釋手！ ▲《得意小農場》像真度整高，小朋友可以幫忙係農場收割，再拎去買又得！ ▲《賽車道》有好 classic 嘅車車比小朋友一展身手，做個小車手。 ▲《波波池》大繩網下有個大波波池，冇諗過哩幾隻顏色嘅波波襯埋，比人嘅感覺又幾舒服！仲要係透明玻璃窗，出面啲光射入來都好舒服！ ▲《汽球飄浮區》哩到不得了，入到去，啲汽球都係到飄浮緊，小朋友輕輕一推，汽球就會飛高...
試埋南乳豬手😍 呢間位於沙田嘅小店主打❣心機崩沙腩，極受附近街坊歡迎，崩沙腩每日限量供應，一到lunch時就會現人龍，牛腩軟腍彈牙牛味濃👍🏻，腩中帶筋，軟腍之中帶點嚼口😍，鐘意食牛腩嘅朋友，一定要黎試吓！另外南乳豬手亦係另一招牌菜，豬手炆得非常腍，但唔會支離破碎，好考功夫， 入口完全唔覺得油膩，毫無罪惡感，南乳味剛剛好，😚食到欲罷不能❣ ▲崩沙腩麵入口最煙韌彈牙，屬於牛橫隔膜，肥瘦適中，有咬勁，清湯也很有水準。 ▲豬手真係好腍，入口即溶好似好有骨膠元咁。 ▲小編推介必食崩沙腩同南乳豬手。 ▲崩沙腩仲可以選擇配飯食。 豐園牛腩粉麵 地址 ：沙田京瑞廣場1期地下G45號舖電話：21486693時間：11:00 – 21:00 文字來源：香港人.遊香港／圖片來源：互聯網...
裝橫超靚！最近好多台灣飲品店開張，呢間台灣飲品店就以搶眼嘅Tiffany Blue做佢舖頭嘅裝橫主色，除咗裝橫有心機外，茶品亦非常出色，小店全部都係用真茶葉去沖制，每杯飲品都真材實料，價錢仲非常合理！其中兩款值得推介嘅係水晶茉莉綠茶同埋搗蛋雜莓茶，水晶茉莉綠茶茶香味十足，再加上爽口嘅水晶珠，誠意推介！至於搗蛋雜莓茶酸酸地幾開胃，茶味亦一樣濃郁。 ▲搗蛋雜莓茶茶味濃郁，酸酸地幾開胃。 ▲清香嘅茉莉綠茶加上爽口嘅水晶，香濃嘅奶味同清爽嘅口感完美結合。 ▲呢間台式飲品店November裝橫超靚！ ▲每日準備新鮮特飲，食材視乎當日入貨。 November 地址：沙田石門安群街3號京瑞廣場一期2樓279號舖時間：11:00 – 20:00電話：34604348 文字來源：香港人.遊香港／圖片來源：November...
