呢間位於鰂魚涌既小店成日都大排長龍，佢地主打鯛魚魚湯同海鮮湯鍋，其中個奶白色鯛魚魚湯底飲落好足料，原來係用十小時以原條鯛魚熬煮，唔怪得又鮮味又濃郁，真係飲埋都冇問題！而佢地烏冬、湯飯有唔少海鮮選擇，打卡霸氣之選就有波士頓龍蝦，仲要係大大隻原隻上，肉較嫩滑細緻，肉膏分明。除左龍蝦之外，樣樣都超人氣，好似女士最愛既鮑魚花膠魚肚、象拔蚌貝柱蟹棒，仲有牛魔必點既安格斯牛肉，樣樣都好吸引！ ▲鮮蟹湯烏冬，湯飯以石鍋保持熱度，keep食果時住座熱，蟹肉蟹膏鮮甜精華入哂湯！ ▲鯛魚濃湯鮮蟹手打烏冬 （$138 ）使用日式手打烏冬，口感煙韌，更掛上鮮味濃湯 ▲蟹腳海膽湯飯（$168）海膽、蟹腳份量都唔算少！ ▲原隻波士頓龍蝦烏冬 ($138)龍蝦有成人手掌咁大，波士頓龍蝦預先切成4份令食客更容易食！ ▲原隻波士頓龍蝦烏冬 ($138)龍蝦肉肉質爽口彈牙，仲有蝦膏！ ▲蕃薯蜆虎蝦魚湯飯($98)大大隻蕃薯蜆啖啖厚肉，鮮甜既蕃薯蜆，加埋兩隻大大隻虎蝦落鯛魚湯，送飯一流！ 鯛魚魚湯專門店 地址：鰂魚涌海堤街6-16號龍景大廈地下3A舖電話：26182696營業時間：11:00 – 22:00 文字來源：香港人遊香港、圖片來源：@bluegirltt、@eatmud9ho、@jimmytam78、@tsingkungfoodie...