或者九龍灣街坊都未必發現淘大旁邊有間舊式快餐﹐即叫即炸雞髀非常受歡迎,由飯市炸雞髀飯、意粉,到茶市炸雞髀下午茶,外表色澤金黃,雞皮炸到卜卜脆,不過肉質依然保持嫩滑,有d咁高質既出品唔怪得食客食到揮汗如雨都在所不計。 ▲要生炸雞髀($22)時間控制非常重要,佢係岩岩好熟,雞肉嫩滑程度十足肉汁咸香豐富。 ▲炸雞脾茶餐 ($31)呢個茶餐係全日供應,一隻大過面既大炸雞脾,加上一份火腿三文治同一杯飲品。 ▲生炸雞髀飯($33),同傳統快餐店一樣,醬汁有唔少選擇,而呢個蕃茄汁味道酸酸地幾胃。醬汁份量足夠撈飯。 ▲雞髀選用左大大隻🍗,隨時大過你塊面! 日月星快餐店 地址:九龍灣牛頭角道 15-19號嘉和園 8號地下電話: 2758 2153 文字來源:香港人.遊香港/圖片來源:@dioabdul、@wales_rowe、@reginanaw...